李顯

  提示：呢篇文講嘅唔係李顯龍。

唐中宗李顯（656年11月—710年7月3號）又叫李哲，係大唐嘅第四同第六個皇帝。唐高宗李治同武則天個仔。第一次在位嗰陣曾經俾武則天貶做盧陵王，但係之後又做翻太子，最後喺神龍元年發動神龍革命，再做皇帝。

唐中宗李顯 / 李哲
介紹
名	唐中宗李顯 / 李哲
廟號	中宗
謚號	大和大聖大昭孝皇帝
朝代 / 國家	大唐

李顯係繼商朝嘅太甲王之後，第二個「復辟」嘅君主，而第三個復辟嘅君主係李顯個細佬唐睿宗李旦。

一生

周王→英王→太子時期

李顯出世之後就俾老豆李治封做周王。之後娶咗個姓趙嘅女仔，但係老母武則天唔中意佢，最後整死咗佢。冇幾耐李顯就改封做英王，改名李哲。太子李弘死咗之後，李哲就頂咗佢個位。

被廢

内文：嗣聖

李治駕崩，李哲登基做皇帝，但係冇實權。李哲同老婆韋后家族連成一線，反武則天，重話「朕將個天下交畀韋玄貞（岳父）都得呀」。武則天於是廢咗李哲做盧陵王。

復位

内文：神龍革命

接棒嘅皇帝李旦被廢。武則天謀朝篡位，建立武周，但係皇室後繼無人，武則天又唔想傳位畀侄仔武三思，於是搵咗李哲返皇宮做太子，將江山交返畀大唐皇族。李哲「返生」之後發動神龍革命，武則天退位，武周滅亡，大唐復國。李哲復名李顯，做返皇帝，但佢昏庸無能，而最尾俾韋后、安樂公主夾手夾腳毒死，死後初謚孝和皇帝。

仔女

仔

• 懿德太子李重潤
• 李重福
• 節愍太子李重俊
• 唐殤帝李重茂

女

李顯有八個女。