東久邇宮(日文:ひがしくにのみやHigashikuni no miya)係日本舊時一個宮家,由東久邇宮稔彥王響1906年設立。1947年,響駐日盟軍總司令指示底下,東久邇宮全家皇籍脫離。而東久邇宮係當時11個皇籍脫離嘅宮家入面,知名度同埋影響力最高個嗰宮家。

東久邇宮家紋.png

歷任當主

東久邇宮

  • 第一代(同時係末代):東久邇宮稔彥王

東久邇家

即東久邇宮皇籍脫離之後新起嘅,但嗰時開始已經唔係皇室成員,淨係得個名。

分支

影響力

東久邇宮之所以會係當時11個皇籍脫離嘅宮家入面,知名度同埋影響力最高個個宮家(其次係竹田宮),唔單止因為東久邇宮稔彥王做過首相,仲係因為東久邇宮比起其他宮家,更加近當代天皇血統(因為稔彥王娶咗明治天皇第九個女聰子內親王,而盛厚王就娶咗昭和天皇個大女成子內親王)。而依家日本皇室有好大問題:淨係得悠仁一個男性後代。如果悠仁有乜嘢冬瓜豆腐,咁天皇一位就冇人可以繼承,而東久邇宮又係最近當代天皇血統嘅一個宮家,所以近年有好多人開始要求恢復東久邇宮嘅皇室成員身份,為日本皇室繼承問題留返一條後路。