東普陀講寺
東普陀講寺喺香港荃灣千佛山山麓嘅老圍村，係一間仿照中國浙江省杭州市嘅普陀寺而起嘅寺院。
.jpg)
歷史
編輯東普陀講寺喺1932年由茂峰法師創立。茂峰係廣西博白人，光緒十四年（1888年）出世，29歲喺南京寶華山慧居寺（而家叫隆昌寺）出家。1924年茂峰應邀去台灣靈泉寺講經，1927年就由台灣到香港弘揚佛法，經過老圍村，登上千石山，游過大水坑，見佢氣像宏闊，認為係起佛寺嘅好地方，就周圍集資起寺。喺1930年開始起，兩年就起好。茂峰因見到千石山一帶景物同普陀山有啲類似，所以起名叫「東普陀」，更將千石山改名叫千佛山，又將大水坑改名叫三疊潭。
茂峰法師喺1964年圓寂，講寺一直由寺院嘅僧人打理，環境非常清幽。經過宣傳，而家前嚟觀光嘅人越嚟越多，而寺院亦喺1990年代重修過。
