東涌發展碼頭

東涌發展碼頭（英文：Tung Chung Development Ferry Pier），坊間又叫東涌新發展碼頭（英文：Tung Chung New Development Ferry Pier），簡稱東涌新碼頭，係香港大嶼山東涌沿海嘅渡輪碼頭，喺東涌海濱路，係單層鋼筋混凝土建築物；叫做「新發展碼頭」或者「新碼頭」係為為咗同馬灣涌公眾碼頭，亦叫「東涌舊碼頭」——喺東涌道以北，東涌灣入面——嘅街渡碼頭區別。

東涌發展碼頭外觀（碼頭西面）

東涌發展碼頭外觀（碼頭東面），圖中嘅新渡輪服務已經喺2008年7月停止

一艘富裕小輪正準備停泊東涌發展碼頭

東涌發展碼頭入口

東涌發展碼頭巴士站

概述

以往碼頭東邊泊位有新渡輪經營來往屯門碼頭之間嘅渡輪定期航班。之後因為無公司入標經營屯東航線，所以服務喺2008年7月1號開始停止。

西面泊位有富裕小輪由2005年12月9號開始接替新渡輪營辦嘅渡輪服務，來往屯門碼頭同大澳以及沙螺灣，途經東涌。

東涌發展碼頭入面有一間本地茶餐廳同一間港式細士多，有釣魚用嘅蝦仔同紅蟲售賣。碼頭附近有一小段大石建築嘅海堤，經常有釣魚愛好者喺嗰度垂釣。

東涌發展碼頭嘅西鄰，有北大嶼山公路行車天橋，連接對岸的赤鱲角。

交通

交通路線一覽
大嶼山或機場巴士 37H （冇資料） 37S （冇資料） E21A （冇資料） E32A （冇資料） E43 （冇資料） S56 （冇資料） S64P （冇資料）

• 龍運巴士E43線