沙螺灣

沙螺灣（Sha Lo Wan）係香港一灣，亦係一村一地。佢喺大嶼山西部北岸，係沿北岸行，東涌行到大澳中途點。家下洋面對出係香港國際機場。沙螺灣家下有三村，因爲交通唔便，後生一輩好多都搬走咗，出去打工。所以得返啲老人家。

地理

沙螺灣西面海角，原本好突出，起新機場時，為免影響東涌灣水流，削平咗。

村

沙螺灣㚥早就有人住，初頭得沙螺灣村，後尾開咗沙螺灣新村同沙螺灣涌口村。村民開墾過果園。而海邊有座把港大王廟，有過二百年歷史。沙螺灣北端有沙螺灣碼頭，有船去屯門、東涌、大澳等地。村民出入主要靠水路，亦可以行大嶼山北岸東涌徑。　

史

沙螺灣村可以上追到一七七四年，呢年起咗把港古廟，奉洪聖爺。坐廟重喺到。村民務漁務農。側邊另一天后廟，係一九一九年起。兩廟係黐埋一齊。

去到第二次世界大戰時，人口都唔多。因爲近海，呢處易畀海山賊水賊襲擊。一九三零年代尾，曾經畀海盗佔領成年。

沙螺灣有鎢礦，發現後，一九五零年代開採。自始人口大增，去到一九七一年，人口去到四千。之後人驟降。

沙螺灣村，屋打橫四排。大門口有三米高，用花崗石砌。有成二百年。而門本來有圍牆，不過牆已毁。

生態

沙螺灣好多參天巨木，灣中有大樟樹，有樖成三百歲，因爲沙螺灣有涌流入海，鹹淡水交界，所以海皮有紅樹林。

未來

港珠澳大橋曾建議喺沙螺灣落腳。

出面網站

• 沙螺灣把港大王廟
• Hung Shing Festival in Sha Lo Wan （中文）
• Picture of Sha Lo Wan Pier