東門商業區

東門商業區，一般叫做東門步行街或東門老街，係深圳市最早發展嘅零售性質商業區，1990年代初開始建設。東門老街嘅範圍包括深南東路以北，立新路以南，新園路以東，東門中路以西嘅差唔多18萬平方米嘅區域。

深圳東門步行街街口石柱

東門商業區

老東門墟市浮圖

老東門嘅地標

喺東門商業區入邊主要嘅商廈有茂業百貨廣場、太陽廣場、旺角購物中心、中海商業城、深圳百貨廣場、九龍城、越港商業中心、寶華樓、西華宮等。重有多間大規模嘅百貨公司、超級市場，包括必勝客、肯德基、麥當勞、百佳同大家樂等，其中嘅麥當勞響1990年10月25號開業，係中國大陸開嘅第一間麥當勞。

區內有一座叫做「思月書院」嘅明代深圳望族張氏宗祠，而家改咗成賣字畫、文具嘅鋪頭仔。

東門老街有多條公交路線經過，深圳地鐵1號線嘅老街站就設喺呢度。