林名溢（英文：Nick Lam，1986年—），係香港泛民主派人士，地區組織「大埔民主聯盟」成員，大埔區議會大埔墟選區前任議員。
佢曾經喺高登討論區以網名「天溢」寫多部網絡小說，代表作係《死魚與淫西，炮房內嘅攻房戰》，之後以相同網名轉戰LIHKG討論區，不過已經封筆；佢喺2019年第6屆區議會選舉參選大埔大埔墟選區，最後打贏李國英議員助理張國慧，以五成六得票率成功當選，2021年5月11號，佢喺Facebook出Po，宣布劈炮，唔撈區議員一職。
