林哲玄
提示：呢篇文講嘅唔係林哲。林哲玄（英文：David Lam），係香港建制陣營（專業界親中派）政治人同外科醫生[1]，天津市政協委員[2]，「醫護誠信同行」主席，現任香港立法會議員（醫療衛生界功能界別）。
政治同社會問題立場
編輯佢支持23條立法，曾經喺香港修例風波期間支持香港警察，又喺新冠肺炎疫情初期反對醫護為爭取封關而罷工[3]。佢認為作為醫護人員，應堅守全心照顧病人嘅誓言，底線係唔好影響對病人嘅照顧。佢曾經質問一啲醫護人員，係咪唔夠防護裝備就可以落更唔使理，當時就畀杏林覺醒成員、立場偏黃的公立醫院心臟科專科醫生黃任匡反駁，話醫護人員保護自己乃係專業操守，爭取防護裝備旨在保護病人，而防備唔足夠，責任在於政府。正如地盤工人開工時冇頭盔戴，鑽地工人開工時冇護耳罩，大家亦唔會怪責工人。黃任匡又批評，林哲玄噉樣係抹黑同業、逼害港人[2]。
選舉經歷
編輯喺2021年9月，佢成為香港特别行政區選舉委員會醫學及衞生服務界委員[6]。
2022年，佢喺李家超無提政綱嘅情況下，有份提名李家超參與2022年香港行政長官選舉[7]。
其他事件
編輯美國外科醫學院會員資格被取消
編輯林曾經做過美國外科醫學院嘅會員，但隨著西方國家關注中國人權問題，美國實行咗一連串對中國嘅制裁，林喺2022年9月22號被學院以佢係中國公民為理由，拒絕續佢嘅會員身份，以符合美國方面制裁嘅命令。無耐後，林喺Facebook發曬老脾話係美國將佢踢出醫學院，話人美國「虛偽」，而且聲稱自己會同有關方面「劃清界線」咁話。[8]
參考
編輯- ↑ 袁澍 (2020-08-31)。〈全民檢測｜2000多人參與工作坊 醫生林哲玄：4、5分鐘完採樣流程〉。《香港01》 (香港中文)。
- ↑ 2.0 2.1 〈與林哲玄醫生商榷（文：黃任匡） (09:00) - 20200304 - 文摘〉。《明報新聞網 - 即時新聞 instant news》 (繁體中文)。原先內容歸檔喺2021-11-09。喺2021-11-09搵到。
- ↑ 〈【立法會爭位】反醫護罷工、撐警林哲玄 參選醫療衞生界 高永文站台 同時撐對手龐愛蘭〉。《立場新聞 Stand News》。原先內容歸檔喺2021-11-09。喺2021-11-09搵到。
- ↑ 〈林哲玄報名參選立法會醫療衞生界 方國珊決定不參選｜本地｜商業電台 881903〉。《商業電台 881903》。2021-11-09。原先內容歸檔喺2021-11-10。喺2021-11-09搵到。
- ↑ 〈【立會選戰】醫學會前會長林哲玄再選醫護界 反對醫護罷工、撐海外醫生 | 獨媒報導〉。《獨立媒體》。2021-11-09。原先內容歸檔喺2021-11-09。喺2021-11-09搵到。
- ↑ 〈一文睇清1448名新選委全名單〉。《香港文匯網》 (中文)。喺2022-08-11搵到。
- ↑ 〈一文看清李家超786張提名〉。《信報網站 hkej.com》。喺2022-09-02搵到。
- ↑ 〈被美國外科醫學院拒續會員資格 林哲玄誓與美國「劃清界線」〉。《香港獨立媒體》。2022-09-23。喺2022-09-23搵到。
出面網頁
編輯- 林哲玄嘅官方網站
- 〈香港特別行政區立法會 -林哲玄議員〉 (繁體中文)。香港特別行政區立法會。
- 〈香港特別行政區立法會 - 議員資料庫〉 (繁體中文)。香港特別行政區立法會。