林百欣

香港商人、慈善家

林百欣1914年12月21號2005年2月18號),係香港生意人麗新集團創辦人,人稱「林伯」,亦係「潮汕四寶」其中之一(另外三位係陳偉南饒宗頤莊世平)。

生平 編輯

林百欣1914年喺廣東潮陽出世,出身富裕,老豆林獻之係開銀行嘅。1931年,林百欣跟埋老豆嚟香港,喺民生書院讀書。1935年,21歲嘅佢畀老豆叫佢返去鄉下嘅佳成銀行做後生。1937年佢經澳門再嚟到香港創業。1945年,林百欣同老婆喺深水埗開咗成福針織廠,再喺兩年之後成立麗新製衣

1970年,麗新開始涉足地產,初時係起工廠大廈,後來連住宅同商廈都有。

1988年,林百欣嘅麗新同鄭裕彤新世界聯手入主亞洲電視,到2002年,麗新將亞視賣畀劉長樂陳永棋等人。

1997年,林百欣因為涉嫌貪污,畀台灣當局拉咗。到1999年,林百欣畀法院判貪污罪成,要坐3年2個月監。

2004年,林氏將佢揸住嘅麗新股權轉讓畀二太余寶珠同佢嘅仔林建岳

2005年,林百欣因為吸入性肺炎入院,期間引起膽管發炎、肺部感染同埋腎功能衰竭等等併發症,之後重蔓延到小腸同大腸,最後喺2月18號上晝11點喺瑪麗醫院病逝,終年90歲。

屋企 編輯

林百欣一生人總共有一妻三妾:大婆賴元芳、二太余寶珠、三太顧瑞英同四太蔡艷如,四房人同佢生咗三子(林建名林建岳同埋林偉鈞)四女,加埋一個便宜仔(林建康),總共八人。

睇埋 編輯