民生書院

Munsang College 民生書院
Munsang College 民生書院
位置
	香港九龍城東寶庭道8號
明細
類	幼稚園（私立）; 小學（私立）; 中學（政府津貼）
校訓	All for One, One for All Light and Life
宗教聯繫	基督教
成立	1926年
校長	張展鈴校長（幼稚園）; 梁桂英校長（小學）; 葉志兆博士（中學）
Teaching staff	80人（幼稚園）; 61人（小學）; 66人（中學）
學生人數	1002（中學，包括4個交換生）; 1400（小學）; 980（幼稚園）
校舍大細	16800平方米
社	愛、德、智、體、群、美 Love, Tak, Chi, Tai, Kwan, May
刊物	民生聲 Munsang Voice 民生情 Musings
電話	(+852) 3655 3500（幼稚園）; (+852) 3655 3400（小學）; (+852) 3655 3300（中學）
網站	http://www.munsang.edu.hk

民生書院（英文：Munsang College）係香港一間少數擁有幼稚園、小學同埋中學（係英文中學）嘅一條龍男女名校。佢喺1926年創校，係少數多過90年歷史，經歷咗香港日佔時期嘅學校。民生書院喺九龍城區，係嗰區嘅第一間津貼中學。

校園面積有16,800平方米，有操場、跑道、足球場、標準籃球場、室內運動場（重建緊），將來重會有室內泳池。學校以基督教做學校嘅宗教信仰，但係唔隸屬任何宗教團體。中學部係香港教育局特許嘅114間英文中學之一。幼稚園更係全球三間有福祿貝爾認證嘅幼稚園。

而家重建緊E座（黃映然紀念樓），而H座（新翼大樓）嘅新樓梯已經喺2017年嘅畢業禮前啟用。E座（黃映然紀念樓）嘅改建工程預計將會喺2023年搞掂。到時會有更多新課室同埋多用途室、一座新禮堂、全天候標準室内游泳池、新圖書館、標準室內籃球場同羽毛球場等等嘅新設施。

中學部喺2017香港最具教育競爭力中學50強龍虎榜中排第44位^[1]，而小學部則喺2017香港最具教育競爭力小學50強龍虎榜中排第23位^[2]。

創校歷史

民生書院最初係由紳商曹善允提倡興建。1916年曹善允同其他商人組成嘅啟德營業有限公司發展緊九龍寨城對開嘅九龍灣北岸地帶。曹善允覺得當時九龍城居民冇一個接受西學嘅機會，所以開始積極籌款興學。之後佢獲啟德公司創辦人之一區德（又名區澤民）逝世後由遺囑餽贈嘅一萬文港紙，重有同曹善允一齊做緊啟德公司董事莫幹生捐嘅一萬文港紙。喺籌夠資金之後，同埋得到當時聖保羅書院校長史超域牧師嘅協助之下，學校喺1926年於啟德濱創辦，由黃映然先生做首任校長。

為咗紀念區澤民同埋莫幹生對創校嘅貢獻，學校改名做民生書院。曹善允被推舉終身出任校董會主席。學校初期租用民國政治人伍朝樞嘅物業作為校址，去到1939年再搬到九龍城東寶庭道繼續辦學。學校於1941-1945年被日軍侵佔，直至1945年香港重光之後先恢復辦學。

喺1999年，港島民生書院（Hong Kong Island Munsang College, iMSC）正式成立。

校訓宗旨

民生書院校訓係「光與生命」'Light and Life' 同埋「人人為我，我為人人」'All for One, One for All'。
以基督精神，做全人教育，引導學生學習耶穌基督嘅典範。
重視德、智、體、群、美嘅五育發展。

校園相冊

民生書院正門
鑽禧紀念樓林子豐紀念樓
林百欣堂林百欣樓
林百欣樓黃映然紀念樓（重建緊）新翼大樓

班級課程

幼稚園

幼稚園總共有30班（幼兒班、幼低班及幼高班各10班），學生人數大概990人，全體教師80個，包括外籍英文老師17個同普通話老師6個。

小學

小學部係全日制，總共開設36班（小一6班小二、小三各7班小四至小五級各6班小六5班），學生人數大概1400人，老師61個。

中學

中學部喺2020/21年度總共有30班（中一至中六各5班），學生人數為932人，教師人數為67人，社工人數為3人，教師助理人數為6人，行政人員人數為6人。中一至中三各有兩班精英班（A班同B班）。^[3]
中一二設有十四科，中三設有十七科

舊生

宗教神學

郁德芬：香港基督教青年會（YMCA）總經理

法學

吳少鵬：吳少鵬律師事務所國際律師
顧愷仁：中銀香港律師
鄭會圻：香港調解學院院長
張達明：香港大學法律學院首席講師^[4]

醫學

林樹基：香港浸信會醫院創辦人
鄧兆華：Universitas 21香港大學李嘉誠醫學院精神醫學系系主任
張寬耀：著名腫瘤專科醫生

建築

梁志天：香港著名建築及室內設計師

學術教育

黃麗松，CBE，JP：前新加坡國立大學南洋大學校長、前香港大學校長
林思顯，CBE，JP：前香港浸會大學校董會主席
黃觀貴：香港高級程度會考「現代地理學導論」作者
張百康：前港島民生書院校長
嚴志成：港島民生書院校長、聖公會陳融中學校長
魏樹昭：前中華傳道會安柱中學校長
夏永豪，MBE，JP：前聖保羅書院校長、前立法局議員
林向成：保良局馮晴紀念小學校長

工商金融

林百欣：慈善家、前麗新集團主席、前亞洲電視主席
林森池：美林證券香港副總裁
張賽娥：香港南華集團創辦人及董事、金融評論家
王維基：香港電視網絡主席
莊偉茵：中華電力企業發展總裁
姚天從：摩托羅拉半導體資深副總裁及亞太區總經理
林建岳，GBS：林百欣二仔，麗新集團主席、香港旅遊發展局主席
胡民勝：香港酒店業協會總幹事

政治公眾事業

林思齊，OC，CVO，OBC（英文：Order of British Columbia）：前加拿大卑詩省省督（英文：Lieutenant Governor of British Columbia）
張樹榮：香港科技園公司企業拓展及科技支援副總裁
何安達，JP：前特首辦新聞統籌專員
李卓人：前立法會議員（新界西）、工黨主席、支聯會主席
鄭和強：澳門特別行政區政府旅遊局前香港代表

文藝與音樂

陳偉光：香港中文大學音樂系教授、崇基學院前院長
曾智斌：維也納兒童合唱團駐團指揮、泛亞交響樂團首席客席指揮
葉詠詩：香港小交響樂團音樂總監
葉羨詩：葉氏兒童音樂實踐中心音樂副總監
凌顯祐：香港管弦樂團首席中提琴

餐飲

甄文達：國際名廚

體育

謝穎紅：香港沙排代表

出版新聞

吳子敏：無綫電視記者
曾熙雯：無綫新聞財經女主播及記者

影視娛樂

陳秋霞：1977年台灣金馬獎「最佳女主角」
林志美：1985年香港電影金像獎「最佳原創電影歌曲」
彭羚：1995年無綫電視十大勁歌金曲「最受歡迎女歌星」
向華強：中國星集團主席
蕭潮順：好合拍Wellfit多媒體集團有限公司董事總經理
查小欣：香港商業電台唱片騎師、節目主持
徐詠芝：香港商業電台「一切從音樂開始」節目主持人
周國豐：1980年代童星、香港電台新媒體及節目協作總監
邱家雄：無綫電視影視編導、監製
艾威：香港電視網絡演員
劉愷威：歌手、演員
潘卓楠：模特兒、男子組合「Sky」成員
張崇基：歌手、華納唱片監製、亞洲電視音樂總監
張崇德：歌手、音樂人教室及音樂人製作有限公司總監
陳庭威：演員
羅力威：歌手、作曲人
陳思捷：作曲人
王仲傑：填詞人
謝天智：填詞人
袁劍偉：導演，演員林嘉欣老公
潘梓鋒：演員、節目主持
蔡惠萍：配音員
林奕華：香港著名編劇（小學部）^[5]

參考

↑ 2017香港最具教育競爭力中學50強龍虎榜-香港專業教育出版社
↑ 2017香港最具教育競爭力小學50強龍虎榜-香港專業教育出版社
↑ Curriculum Structure
↑ 〈擺百齡壽宴民生書院校友聚首老校長祝「光大我香港」〉。《成報》。2017年9月2日。
↑ 〈林奕華：我的藝術學校〉。《主場新聞》。2014年5月16日。

出面網頁

[1] 2017香港最具教育競爭力中學50強龍虎榜-香港專業教育出版社

[2] 2017香港最具教育競爭力小學50強龍虎榜-香港專業教育出版社

[3] Curriculum Structure

[4] 〈擺百齡壽宴民生書院校友聚首老校長祝「光大我香港」〉。《成報》。2017年9月2日。

[5] 〈林奕華：我的藝術學校〉。《主場新聞》。2014年5月16日。

[1]

[2]

[3]

[4]

[5]