柏楊

柏楊（1920年 3月7號—2008年 4月29號），原名郭定生，後來佢老豆為咗方便轉校而改名做郭立邦，之後自己又改名做郭衣洞，係台灣作家，有台灣魯迅之稱 ^[1]。「柏楊」係佢筆名，靈感嚟自中橫公路隧道附近台灣原住民部落嘅原名諧音「古柏楊」。佢重有另一個筆名鄧克保。

柏楊喺河南省開封出世，寫嘅書當中以歷史書最出名，不過佢就話自己唔係史學家，而係個作家同思想家。

佢曾經因為翻譯美國《大力水手》漫畫，將「Fellows」譯做「全國軍民同胞們…」，俾嗰陣嘅國民黨政府話佢串蔣中正父子，以「共產黨間諜」同「打擊國家領導中心」罪名拉咗去坐監 ^[2]。