校規

校規即係學校要學生守嘅規矩，用嚟畀學生由細養成好習慣，禮儀同自律等等，想佢哋到大都繼續，又用嚟維持學校風氣良好。每間學校嘅規則都唔同，例如有啲學校要校服。如果學生知規則都唔守就會受到處罰。一般而言，所有老師都執行規則，而如果嚴重嘅，按情節會交去警告或者逼到學生肯守為止，非常嚴重就要校長處理。有啲執規嘅權，會交畀學生，如風紀、班長，視乎學校習慣。

校規涵蓋範圍，各有所異。常見係返學到放學嘅時間，服飾儀容，上堂守則，師生禮儀，功課交帶，請假，禁止行為等等。

罰則可以有好多，簡單如罰企、罰抄、留堂，亦有啲要做雜務。以往有體罰，如打手板、打屁股咁，會痛又唔會傷，不過唔啱依家教育理論。嚴重要記過、見家長。更嚴重要轉校，甚至永久踢出校。