開主選單
九龍仔公園一球場,後面係九龍仔山,因起咗無線電導航設備同埋咗格仔圖案引飛機降落,所以亦叫格仔山或者雷達山

格仔山(Checkerboard Hill),原名九龍仔山,又叫雷達山,係香港九龍九龍仔一座山仔。

九龍仔山畀人叫做格仔山,係同啟德機場有關嘅。九龍仔原本係一座山頭,1950年代,啟德機場跑道要伸長,咁啱呢個山頭位響13跑道降落航道。為咗安全,部份山頭就剷平,沙石就用來填九龍灣起跑道,淨返就起九龍仔公園。

而九龍仔山就係呢個山頭嘅東北角,係去啟德機場13跑道降落航道必經之路。啟德機場嘅儀標導航系統會將飛機引向九龍仔山,再由機師將飛機轉灣做目視降落。由於要引導機師將飛機行啱路綫,九龍仔山就髹咗紅白相間格仔,起埋導航燈同埋無線電導航設備,所以香港人又叫佢做雷達山。另外因為紅白格仔好搶眼,所以又叫格仔山。呢道亦係以前影相發燒友影飛機嘅地方。

如今想上格仔山山頂,可以由九龍城聯合道樂富公園行上去。想到格仔山山腳,可從九龍城延文禮士道九龍仔公園前往。

1998年啟德機場閂門大吉之後,格仔山就油到灰色重種埋樹,以免誤導機師。