梁宏正

梁宏正，BBS，JP（英文：Clarence Leung Wang-ching，1978年12月27號—），係香港政治人，經民聯成員，香港立法會主席梁君彥個仔，新興織造廠有限公司董事、香港高爾夫球會前任會長，民青局首任副局長，同時亦係全國青聯第十三屆副主席。

生平

梁宏正早年就讀喇沙小學同埋喇沙書院；讀到中三嗰陣去英國升學。。1999年，佢喺英國劍橋大學經濟系畢業後，同年同朋友一齊合辦互聯網公司，但之後因為受到科網股爆破後而結業，之後返到由已故阿爺梁澤江創辦嘅新興織造廠有限公司嗰度工作。

政治同公共事務參與

佢依家係香港菁英會榮譽主席。

2022年，佢喺李家超無提政綱嘅情況下，有份提名李家超參與2022年香港行政長官選舉。

喺2022年3月31號，佢接替劉鳴煒出任青年發展委員會副主席。另外，喺李家超參選2022年香港特首選舉嘅時候，佢擔任李家超競選辦其中一名副主任。2022年7月尾，佢獲港府委任做民青局副局長，繼承陳積志嘅職位。

家庭

梁宏正爸爸係立法會主席梁君彥，叔父係梁嘉彥。佢已經結婚，配偶係張曉君。