梁建民
生平
編輯梁建民為幾份香港報紙，包括《新報》、《天天日報》等做過馬經版主編同作家，曾經出版過《第一馬經》同《賽馬勝經》。
由1970年代起，佢同馬評人董驃喺亞洲電視主持賽馬節目，佢嘅肉緊而又獨特嘅評述風格，深入民心。2006年2月董驃病死，佢係喪禮中八個扶靈人士其中一個。
梁氏亦曾經為香港賽馬會做過沿途走位嘅評述員，又曾經做過香港評馬同業協進會執委，係該會嘅創會會員。
1991年加入澳門賽馬會，做咗主席嘅特別助手，之後喺1997年獲委任做執行董事，並喺2000年得到董事局委任，做咗澳門賽馬會行政總裁，並且喺澳門定居。
2006年9月，佢突然中風暈咗，經過當地醫院睇過之後就由直升機送返香港醫治，發現患上腦癌[1]。2007年，因為健康理由辭咗行政總裁職務，轉做董事局特別顧問。
參考
編輯- ↑ 「第一先生」中風送港醫治
- ↑ 前馬評人梁建民病逝[失咗效嘅鏈]
- ↑ 〈資深評馬人梁建民辭世 澳門馬會將舉行默哀活動_新聞頁_北美新浪網〉。原著喺2020-03-27歸檔。喺2018-12-22搵到。