開主選單

董驃Bill Tung1934年3月30號2006年2月22號)係出名嘅香港電影電視演員,亦係賽馬專業評述員

董驃
男演員
英文名 Bill Tung
2006年2月22號
職業 演員、馬評人

佢原本係叫朱文彪,後尾過繼畀香港賽馬會一個高層先至叫董驃

生平

賽馬

董驃出世嗰陣同好有淵源。佢係喺跑馬地馬房出世,屋企人係練馬師。後尾佢過繼畀香港賽馬會高層董子賢,結果轉咗個名做董驃。佢細細個就學騎馬,重曾經到外地深造,有幾個練馬師牌。

佢喺1967年加入麗的電視(而家嘅亞洲電視)做賽馬評述員。因為佢風趣幽默,所以好受歡迎,一直留喺亞視講馬,只有好後期先至喺香港電台評述賽馬。佢講嘢好直好大膽,好似1999年香港賽馬會將賽馬轉播權咗畀無綫電視,董驃就鬧香港賽馬會:「叫佢去死啦!亞視做得好哋哋,就轉咗畀無綫做,搞到一塌糊塗。」

電視、電影

董驃好後生嗰陣就已經做過演員,當時第一部作品係1947年嘅電影《朱門怨》,之後佢不時有演出,尤其係喺麗的視嗰陣。佢成世人都淨係演亞洲電視劇集,未演過無綫電視劇集。佢重話過自己一世人,絕對唔會打無綫電視工。

董驃最識得演嘅係笑片,好似佢參演過嘅港產片入面都係以笑片最成功。1988年佢主演嘅《富貴逼人》都拍咗好幾輯;而1985年成龍嘅《警察故事》佢都係以搞笑形象出現。呢種演繹風格亦都應用到講馬,所以一啲唔識馬嘅人都會特登轉亞視睇董驃。

晚年

2000年之後董驃經常有病要入院,2005年更加因為咁要退休,一年後喺聖保祿醫院病逝,享年72歲。

作品

電影

劇集(亞視)