梁燕城

梁燕城（1951年12月—）資深基督教傳道人，響香港出世，鄉下喺廣東省廣州市；喺1990年由香港移民去加拿大，他是一个基督徒，用了将近40年研究中国文化和佛教信仰，转变为一个虔诚的基督徒，用生命见证自己是属基督耶稣的。政治立場係親中共派。

政治立場同爭議事件

佢喺香港親中派人士，曾經支持同屬親中派嘅梁美芬參選2007年香港區議會選舉。

環繞梁燕城嘅爭議，好多都同佢支持中共嘅言論有關。佢亦曾經喺加拿大發表一啲關於元朗恐襲事件嘅言論，揶揄因為警方行動而永久傷殘嘅人，引起公眾嘩然，最後要辭去電台主持嘅職務。因應佢嘅親中立場同言行，佢同陳世强、劉金勝、管浩鳴、許淑芬、林以諾、張恩年、蔡志森、蘇穎智、盧龍光、陳歐陽桂芬喺2020年被門徒事工列入「基督教制裁名單」。門徒事工形容佢哋係長期協助極權政府打壓港人民主同人權嘅「賣港教賊」，要求各國政府對佢哋實施制裁懲罰。

揶揄香港反送中運動中被射爆眼球嘅傷者

2019年8月11號，一名女子喺香港尖沙嘴警署外，意外被物體擊中眼部，佢嘅右眼球爆裂，右眼皮同淚管撕裂，喺右眼下方嘅上頜骨全碎。好多抗爭者認為意外是由警方嘅布袋彈造成 ，但係喺2019年8月15號，梁燕城喺三藩市星島中文電台節目《時事觀察》評論該事件，就話布袋彈留喺眼罩上嘅照片可能係偽造，又揶揄右眼已經失明嘅傷者點解唔報警畀警察查明真相。梁被批評，忽視唔同人拍攝嘅照片，已經提供咗清晰嘅證據，清楚顯示眼罩夾著只有警方先有嘅布袋彈、警方於記者會承認當晚曾發射過十發布袋彈同埋唔承諾唔拘捕該名女傷者嘅事實。

指「721元朗恐怖襲擊」由示威者引起

2019年7月21號，元朗港鐵路站發生恐怖襲擊事件，一班白衣人以木棍、刀、鐵通、藤條等武器，無差別噉攻擊車站內嘅乘客擊，仲追到入車廂內，令多名市民受傷，傷者包括老弱婦孺。2019年8月21號，梁燕城喺加拿大中文電台節目AM1470《時事直擊》入面評論呢件事，話係立法會議員林卓廷帶領黑衣示威者挑釁在先，引發「黑白武鬥」，言論引起聽眾非議，梁嘅言論被批評顛倒黑白、混淆是非。結果，梁燕城喺8月22號請辭同離開《時事直擊》節目，佢主理嘅文化更新研究中心喺星期日播出嘅節目《文化更新》亦無再喺加拿大中文電台播放。去到2020年，梁燕城轉投溫哥華另一華語電台華僑之聲，而「文化更新」亦喺2月底喺華僑之聲改名復播。

為何君堯「殺無赦」言論辯護

英國律師紀律審裁處喺2020年10月，就激進親中共派立法會議員何君堯2017年9月嘅「殺無赦」言論進行聆訊，判斷何君堯有無違反英國律師嘅專業操守。當時何君堯仲揚言，啲人唔殺咗佢做乜。但梁燕城就喺聆訊上幫何君堯，聲稱「殺無赦」唔係指殺人，但係被問到點樣得出呢個說法嘅時候，佢就話只係同身邊香港人交流得出嚟嘅結論，但係就冇攞到任何證據出嚟。