梅卓燕
佢1981年加入香港舞蹈團，做過舞劇《黃土地》、《胭脂扣》、《玉卿嫂》嘅女主角。1985年喺香港青年編舞大賽中攞咗中國舞組冠軍，得到學金去紐約學現代舞。回港後開始創作[1]。
1990年轉做獨立舞蹈家，曾經攞過亞洲文化協會資助去紐約學接觸即興同埋後現代舞蹈技巧，又獲邀參加美國舞蹈節國際編舞營。回港後做咗香港舞蹈團及城市當代舞蹈團編舞。近年佢多次去比利時、里斯本、倫敦、柏林、巴黎、紐約等地方嘅藝術節表演獨舞創作[1]。
1998年參與翩娜·包殊伍珀塔爾舞蹈劇場廿五週年紀念節演出，1999年參與翩娜·包殊舞團嘅《春之祭》演出。
佢曾多次獲香港舞蹈聯盟頒發「香港舞蹈年獎」，表揚佢喺海外作為香港文化大使嘅貢獻。2001年獲慧妍雅集選為「傑出女士」。2005年獲《旭茉》雜誌選為2005十大成功女性。
作品
編輯- 《遊園驚夢》
- 《狂草》
- 《白描》
- 《水銀瀉》
- 《獨步》
- 《華麗與蒼涼》
- 《情男色女－達利vs加拉》
- 《流蓮歡》
- 《風．水－水》
- 《藍舞》
- 《再世。尋梅》
- 《日記VI．謝幕》
個人榮譽
編輯- 行政長官社區服務獎狀（2007年）[2]
- 香港演藝學院榮譽院士（2013年）[3]
攷
編輯- ↑ 1.0 1.1 〈存档副本〉。原著喺2009年6月9號歸檔。喺2019年2月13號搵到。
- ↑ 〈二〇〇七年授勳名單〉 (新聞稿) (繁體中文)。香港政府新聞公報。2007年7月1號。
- ↑ 〈梅卓燕 MUI Cheuk-yin 2013 榮譽院士〉 (繁體中文)。香港演藝學院。原著喺2020年3月27號歸檔。喺2020年3月9號搵到。