梧州

梧州（壯語：Ngouzcouh Si；粵拼：Ng⁴zau¹；普通話拼音Wuzhou；郵政式拼音：Wuchow，官方外文名Wuzhou，傳統外文名Ng Chow，英文：Wuchow）係中國一城，喺廣西壯族自治區東部，係「東大門」，挨近廣東。行政上係個地級市。山水環繞，桂江、潯江合流成西江，2005年，人口305萬4300。治下有萬秀區、龍圩區、長洲區同埋蒼梧縣、藤縣、蒙山縣，代管岑溪市。

梧州風俗同廣東相近，都係講粵語嘅，有「小香港」之稱。特產有龜苓膏、冰泉豆漿、六堡茶、紙包雞，名勝有鴛江春泛、中國騎樓城、龍母太廟、系龍洲。有南梧高速公路通南寧，一級公路通廣州、香港，水路通西江沿岸各城市（貨運，南寧、柳州、廣州都係），航班通南寧、桂林、廣州、深圳、西安、重慶、福州、貴陽，而家通咗動車。市花係寶巾花。