楊巷路

楊巷路（粵拼：joeng4 hong2 lou6）係中國廣東省廣州市入面嘅其中一條一般嘅馬路，呢條馬路喺荔灣區入面，成條馬路係南北走向。北邊從上九路同埋德星路嘅交界開始，一直向南去到十八甫路同埋槳欄路嘅交界嗰頭。

杨巷路 YANGXIANG LU

性質： 一般馬路 全長： 0.320公里 行車線： 1車道 南向北嘅單行綫 地區： 廣州市越秀區 起點： 上九路同埋德星路嘅交界 終點： 十八甫路同埋槳欄路嘅交界

概要

全長320米，闊12米，1車道。成條路係單行綫，凈係可以從南邊向北邊行。

經過嘅道路

呢度啲路嘅順序係從南去到北嚟排嘅，其中加粗咗嘅字係主幹道：

• 十八甫路、槳欄路
• 下九路、上九路

史

其實呢條馬路喺清朝嗰陣係嗌咗「楊巷」呢隻名嘅。到咗1931年，廣州市政府就整闊咗條楊巷，起咗條楊巷路。

名

喺2006年嗰陣，廣州市政府就將成個廣州市入面嘅路牌同埋門牌全部都嚟翻新過下，不過喺工程入面，就搞出咗個大頭佛出嚟，本嚟係話「楊巷路」嘅，不過啲包公仔就將條馬路整咗係「揚巷路」呢隻名。究竟係「楊巷路」定係「揚巷路」？而因為呢條路嘅名喺嗰陣時由於冇睇重嗮啲舊嘅地名保護，搞到出咗有兩種嘅寫法。後嚟廣州為咗保護歷史文化，就專門考察咗下呢尐，重睇過下《南海縣誌》呢本書去重新考察。後嚟過咗兩年就將條路名改返咗嗌「楊巷路」。

特色

呢條路嘅兩邊主要係成日搞布匹、拉鏈同埋鈕釦嘅嘢比較多。