概念圖

概念圖（粵拼：koi3 nim6 tou4；英文：concept art）係插圖嘅一種，指一啲表達基本諗頭嘅圖畫，用意在於向人表達一啲畫嗰個人想像中嘅事物：概念圖常見於電子遊戲同動畫戲等創作品嘅製作；喺製作一份創作品嘅初期，創作者通常會首先開始度橋，而呢個工序嘅其中一環包括咗設計虛構角色以及作為故事舞台嘅世界嘅外形，於是創作者多數會係噉咦畫一柞相對簡單嘅圖畫出嚟，用呢啲圖畫向佢哋嘅同事表達佢哋嘅諗頭－呢啲圖就係所謂嘅概念圖。

工序

通常喺同佢哋同事傾完之後，製作者（或者佢哋嘅老細）會覺得角色或者世界嘅設計有啲唔完善嘅地方要改，跟住佢哋就會畫新嘅概念圖，直至佢哋覺得可以郁手真係整啲實質嘅作品出嚟為止^[1]^[2]。

由畫概念圖至到出實際產品係一個不斷精緻化嘅過程：創作者通常會快手噉畫幾幅潦嘅可能性出嚟，然後做明暗處理（幫幅圖各部份加光暗）等嘅工序，再同佢啲同事一齊揀一幅佢哋覺得好嘅圖；老細岌咗頭之後，佢哋就會郁手整一啲實物，例如係如果整嘅係一隻用三維電腦圖像嘅電子遊戲，佢哋就會開始製作一啲將會喺隻遊戲入面出現嘅 3D 模型，並且慢慢將啲模型精緻化（即係一開始整咗個初型，然後再執啲仔細嘅位）；喺呢個過程當中，創作者好多時會對個設計進行更改^[2]^[3]。

睇埋

文獻

Concept Art and Video Game Development. Gamasutra.
Concept Art; are we doing this right?. Gamasutra.

引述

↑ Shamsuddin, Kalam (2013). "Evaluating Content Based Animation through Concept Art". International Journal of Trends in Computer Science. 2(11).
↑ ^2.0 ^2.1 Concept Art and Video Game Development. Gamasutra.
↑ Concept Art; are we doing this right?. Gamasutra.

拎

維基同享中有關概念圖嘅資源類
（英文）概念圖世界

[1] Shamsuddin, Kalam (2013). "Evaluating Content Based Animation through Concept Art". International Journal of Trends in Computer Science. 2(11).

[gamasutraconceptart-2] 2.0 ^2.1 Concept Art and Video Game Development. Gamasutra.

[3] Concept Art; are we doing this right?. Gamasutra.

[1]

[2]

[3]