樹熊

樹熊syu6 hung4（學名：Phascolarctos cinereus），又譯作樹袋熊、無尾熊、koala（粵拼：kou6 aa1 laa4）或考拉，係澳洲原住民嘅方言，意思係「唔飲水」咁解，係澳洲特有種生物，全世界只有澳洲東部嘅昆士蘭州、新南威爾斯同維多利亞省地區低海拔、唔密集嘅桉樹林中。1798年一位探險家喺澳洲布魯山脈首次發現，喺19世紀初樹熊遭到捕殺出口，數量由百萬隻銳減至1000多隻，澳洲政府後嚟立法保護，澳洲嘅樹熊保護區有公立亦有私立，私立嘅羅帕恩公園喺1970年－1976年曾經養過白色樹熊。

How to read a taxobox 樹熊
瀕危指標
易危 (VU)
物種分類
界 動物界 門 脊索動物門 綱 哺乳綱 下綱 有袋下綱（有袋類） 目 雙門齒目 亞目 (Subordo): 袋熊亞目 Vombatiformes 科 樹熊科 Phascolarctidae 屬 樹熊屬 Phascolarctos 種 樹熊P. cinereus
二元學名
Phascolarctos cinereus （Goldfuss，1817）

特徵

樹熊身長約 70-80 公分，有大概 10-15 年命，耳仔大細為 5-6 公分，腳板大細 10-16 公分，成年樹熊體重 8-16 公斤，具有一對向前嘅眼，前肢共有五指，其中兩指同其他三指較為分開，型態類似人嘅手，但有兩隻手指公；後肢共有四趾，其中一趾同其他三隻趾分開成九十度角，方便樹熊攀樹木、𢯎aau1痕同梳毛。樹熊乸身上有育兒袋，畀熊仔住。公嘅心口有咖啡色條紋。

食物

由於樹熊所居住嘅澳洲嘅森林有好多尤加利樹，樹熊食尤加利葉。因為尤加利葉粗，纖維相當硬，營養又少，因此樹熊每日都要係噉食並𡁻成萬次至攝取到足夠養分，因為每日唔停𡁻，令樹熊老咗會因為牙齒嘅磨損食唔到嘢而餓死。為咗消化尤加利葉中嘅毒素，樹熊嘅消化道盲腸部份有成 200 cm，佔整個消化系統兩成，亦因為尤加利葉有毒，令樹熊冇其他爭食對手，啱啱出世嘅樹熊因為冇牙𡁻唔到尤加利葉，因此會住喺阿媽個袋度六個月，直到牙長出來為止。

行為

樹熊屬於夜行動物，身體新陳代謝較慢，每日要瞓 17-20 個鐘。熊仔出世後會住喺媽媽嘅育兒袋，大概半年後至會由呀媽嘅袋之中出來，會食熊乸半消化而痢狀嘅「屎」(pap）。

疾病

樹熊容易感染幾種不同疾病，常見嘅兩種好似結膜炎、濕屁股，係種腎臟同泌尿系統嘅疾病，其他嘅重有呼吸系統感染、一種頭骨嘅疾病以及寄生蟲等等。而衣原體細菌不時被認為係令樹熊病嘅主要原因，專家正持續研究佢同樹熊族群嘅關係。而可以發現嘅係樹熊喺人群擠擁或者唔夠嘢食嘅地方生活嗰時，會較容易感染疾病。而有關點樣令樹熊受到更好照顧，或者係減少佢哋受到疾病感染及受傷嘅相關研究，一直都進行緊。

天敵

樹熊一生有幾種天敵，其中之一係澳洲野狗（Dingoes），當樹熊為咗從一棵樹走到另一棵樹而走落地面時，無論係成年抑或小樹熊，都有可能俾澳洲野狗襲擊；而小樹熊有時都會被楔尾鷹（Wedge-tailed eagles）同貓頭鷹攻擊；其他好似野生嘅貓、狗以及狐狸，都係樹熊嘅天敵之一。但而家樹熊真正嘅威脅係嚟自人類起道路、交通影響，令樹熊嘅棲息地減少，呢啲亦可以話係另一種形式嘅敵人。

近親

樹熊同袋熊具有好多類似嘅特徵，因此佢哋可能係近親，但重需要進一步嘅分子生物學研究。

澳洲南維多利亞省Manna Gum森林裏面嘅樹熊。

繁殖方法

雖然並無確實數據，估計澳洲嘅動物園同保育區喺19世紀後期先開始養樹熊。澳洲悉尼嘅塔龍加動物園喺1914年開始養樹熊，喺開園前兩年飼養。第一批空運到塔龍加動物園嘅兩隻樹熊係由樹熊保護區運嚟。

海外嘅動物園就要花更耐時間至開始養樹熊，因為樹熊對食物要求非常高，所以極少有動物園可成功飼養。倫敦動物園喺1880年引入一隻樹熊，但只養到14個月。紐約布隆克斯動物園喺1925年就有一隻樹熊標本，標本係將養咗5日之後因營養不良死咗嘅樹熊而造嘅。美國聖地牙哥動物園喺1925年由塔龍加動物園運咗樹熊，三藩市動物公園喺1959年擁有3隻。

2001年台灣從悉尼動物園運嚟兩隻樹熊。

參考

• 動物多樣性網站（美國密西根大學）
• 龍柏樹熊動物園
• Myers, P. 2001. Vombatidae(On-line), Animal Diversity Web.

睇埋

• 澳洲哺乳動物
• 有袋類