開主選單

機場北站粵拼gei1 coeng4 bak1 zaam6英文Airport North Station)係廣州地鐵3號綫嘅車站,2018年4月26號開放,位置喺花都區廣州白雲國際機場2號航站樓入面。

機場北(2號航站樓)
Airport North (Terminal 2)
Airport N. Station WORD.jpg
機場北站嘅站名
概覽
冧巴 330
位置 花都區廣州白雲國際機場二號航站樓入面
座標 23°23′49.61″N 113°18′21.27″E / 23.3971139°N 113.3059083°E / 23.3971139; 113.3059083座標: 23°23′49.61″N 113°18′21.27″E / 23.3971139°N 113.3059083°E / 23.3971139; 113.3059083
車站色     
經過路線 3
啟站 2018年4月26號
月台 2
站口數 2
營運資訊
車站服務時間 05:55~23:20
列車服務時間 06:00~23:15
廣州地鐵3號綫
體育西路 ◄機場南 (1.2km)

佢既係3號綫北邊嘅總站,又係3號綫北邊嘅永久終點站。因為3號綫嘅規劃同工程嚟到呢度斷咗頭,唔再繼續延長。雖然佢亦係3號綫其一唔用書法站名嘅車站,但用嘅係6號綫月台嗰啲行楷字體嘅大字品種。

另外,喺廣州地鐵(除APM外)同佛山地鐵是旦一個站啲路線牌,都有寫到呢個站附近係白雲機場嘅2號航站樓。

結構

樓層

呢個站一共有3層樓嘅地下區域,其中地面同地下1樓係廣州白雲國際機場交通中心;地下2樓係站廳,有票務設施同客務中心、警務室同安檢設施;地下3樓係3號綫嘅月台。雖然車站冇休息室,但有廁所同母嬰室響度,都喺嗮1月台北邊。

打掂

地面 廣州白雲國際機場交通中心
地下
一樓
廣州白雲國際機場交通中心
地下
二樓
站廳 售票機、客服中心、車站警務室、安檢設施
地下
三樓
側式月台,開右邊門
2月台 3號綫 終點月臺
1月台 3號綫 列車去機場南站(行體育西路嗰邊)
側式月台,開右邊門

打橫

 
機場北站嘅站廳
 
機場北站嘅月台
 
柱上啲字

站廳

機場北站嘅站廳全景
打橫(喺2018年4月26號影)
打掂(喺2018年4月26號影)

呢個站嘅站廳喺廣州白雲國際機場嘅2號航站樓出發廳嘅地下2樓,喺2013年5月起緊白雲國際機場2號航站樓嗰陣順手起埋出嚟。收費區喺站廳嘅西北角,東南邊嘅L字形通道係免費區,而站廳嘅收費區有好多座扶手電梯、專用𨋢同樓梯同月台接埋一齊。

但係,由於兩個站廳嘅大部份收費區之間都唔相連,若果乘客揀錯咗月臺去坐車嘅話,要返上去一層樓再搵收費區嘅免費通道過去對面月台先至得。佢嘅免費通道喺站廳中間嗰堆玻璃欄杆範圍(附近冇閘機響度),有缺口將兩個唔相連嘅收費區連埋一齊[註 1]

月台

機場北站嘅月台全景
終點嗰個(喺2018年4月26號影)

呢個站有兩個側式月台,喺廣州白雲國際機場2號航站樓地底。

另外,喺呢個站嘅3號綫南北兩邊分別有條波口位同存車綫響度。啲渡綫專門畀啲車到呢個站喺2月台攆嗮客走之後入存車綫等出車。若果喺兩條存車綫都有車停,加上2月台範圍亦停咗列車嘅話,列車亦會用波口位去到1月台攆客走兼等出車。

商舖同自助服務

出入口

呢個站一共有2個出入口,分別係A同B。

冧巴 標記 方位 去到邊度
出入口A     機場交通中心
P6、P7、P8停車場
出入口B 2號航站樓
白雲國際機場2號航站樓
註:  有盲人引導徑 |   有斜道 |   出入口都喺同一層樓

頭尾板車信息同配線圖

配線圖

▲ 終點

   
   
   
   
   
   
   
   
   
   
   

▼ 機場南站

行去邊頭 頭班車 尾班車
每日
3號綫
體育西路站 06:00 23:15
注意:
喺晚黑最後一班車開走之前嗰5分鐘之內,
係唔畀入閘坐車(包括埋買車飛)。

車站歷史

規劃

整第二航站樓而納入規劃

喺1997年嘅《廣州市城市快速軌道交通線網規劃研究(最終報告)》入面確定咗喺廣州白雲國際機場(2004年起嘅呢間)整咗個站,但嗰時新白雲機場嘅規劃凈起一個航站樓而整咗個「新國際機場站」(而家係機場南站)出嚟,反而冇提及呢個站。直到2000年嘅近期線網規劃調整方案入面將2號綫縮短到嘉禾而另外規劃咗一條新嘅機場快綫去到呢度。由於新機場要確定起兩個航站樓而出現咗呢個站。後嚟機場快綫喺2003年嘅規劃方案改成3號綫一部份。

繼續向北延長規劃(已被打回頭)

2016年6月30號,喺距離機場北站以北7km以外嘅富力金港城啲業主,向廣州市國土資源同規劃委員會建議將3號綫繼續向北延長到富力金港城為止[1],但係規劃委員會同地鐵方喺同年7月16號話喺起緊機場2號航站樓嗰時起成斷頭設計,冇留正繼續向北延長條件而駁咗富力金港城啲業主提出嘅延長建議[1]。因此呢個站變成3號綫北邊嘅永久尾站。

施工

機場北站開工嗰陣連同二號航站樓一齊,喺2012年8月奠基[2],2013年5月喐手起[3],直到2017年10月底基本上起好兼三權移交,進入調試階段。雖然有媒體透露話估計喺2017年12月30號開通試營運[4][5],但到咗2017年12月30號嗰日,受到2號航站樓未起好嘅影響,車站重未開通。本嚟媒體諗住2號航站樓同佢嘅配套設施直到2018年2月6~10號先至搞掂竣工同組織行業嘅驗收[6]嘅關係,估計喺同年春節期間開通,但二號航站樓入面嘅主體同指廊連接位重喺度搞緊內部裝修及指廊同大廳位未搞掂施工嘅手尾工程而一直冇開到。

2018年2月27號,廣東省機場集團喺民聲熱線節目時講到,白雲機場二號航站樓同地鐵機場北站將會喺2018年4月26號同步開通[6][3]

2018年3月29號晏晝,廣州地鐵同廣州市交委、廣州恆通巴士安訊保誠巴士廣州市第二巴士、白雲機場綜合區管理部等單位喺白雲大道北站到呢個站之間搞咗應急接駁巴士演練。

2018年4月14號,喺呢個站附近嘅2號航站樓舉辦咗開通前嘅1000人演練而確保車站就快開通嘅事。

2018年4月23號晚黑,廣州地鐵官方正式發佈消息,話呢個站會從呢個月26號朝早頭班車開始正式營運[7][8][9]

開通

從2018年4月26號嘅頭班車開始,由於白雲機場二號航站樓正式投入使用,車站亦正式延長到呢度做總站兼對外開放[10]

搞唔清係邊個航站樓?

2018年3月29號,廣州市民政局開始向全社會徵集14號綫主綫及21號綫啲站名時[11],有好多人反映到呢個站嘅站名唔知係講緊邊隻航站樓。地鐵方考慮到噉嘅事之後,同年4月11號先至決定喺3號綫冚唪唥啲路線牌凡係帶「機場」字樣啲站,加咗「(1號航站樓)」、「(2號航站樓)」啲字樣嚟搞清楚係邊隻航站樓。

利用狀況

附近嘅建築同景區

出站注意事項

機場北
機場南
兩個航站樓之間嘅免費轉乘通道,凈限往返機場兩航站樓用[註 2]

喺呢個站出站到白雲機場搭飛機啲乘客,機票寫嘅都係去「2號航站樓」或「T2航站樓」呢啲字樣,屆時要睇清楚機票寫嘅係去邊個航站樓再去指定航站樓嘅車站落車。若果喺準備搭飛機之前唔小心出錯航站樓嘅車站嘅話,都會有免費列車接駁,但必須要入免費通道先至得。

喺月台收費區中間有個冇欄杆或閘機嘅缺口響度。佢除咗以下用途其一之外,其它情況都按搭霸王車處理:

  • 往返機場南同機場北兩站
  • 之前搭車搭錯方向到呢個站返轉頭到對面搭車
  • 喺呢個站入站,但入錯月台方向,諗住返去對面搭車。

文化裝飾

 
文化牆(喺站廳嗰邊)
 
文化牆(喺A出入口嗰邊)
 
歡迎裝飾

呢個站係3號綫嘅其一文化站,佢嘅主題同機場南站一樣,都係「盛·迎」。背景係廣州市花——木棉花,重加咗好多全球唔同國家嘅問候語言,充分體驗咗廣州喜迎四面八方啲人嘅花城形象。而呢樣裝飾喺站廳同A出入口嗰邊都搵到。

註同攷

  1. 注意:唔好喺往返1號航站樓嘅免費通道(冇門掩嘅二維碼閘機嗰啲)出站再重新返入嚟(唔理喺同一免費通道定喺月台兩邊嗰個往返出入),因為噉樣會俾地鐵方睇成搭霸王車行為。
  2. 出現以下呢兩種情況喺呢啲閘機出入嘅,都按搭霸王車處理:
    1. 喺呢種閘機入站,跟住喺其它路線或3號綫高增站及以南啲車站出站。
    2. 喺其它路線或3號綫高增站及以南啲車站入站,到以上兩站其一之後跟住喺呢種閘機出站。
  1. 1.0 1.1 关于地铁三号线北延至富力金港城的建议 互聯網檔案館歸檔,歸檔日期2016-06-04.
  2. "广州白云机场二号航站楼即将动工(图)". 南方都市報. 新浪. 2013-09-12. 
  3. 3.0 3.1 机场T2航站楼4月26日启用广州市人民政府 互聯網檔案館歸檔,歸檔日期2018-04-24.
  4. "广州地铁机场北站将于12月30日试运营". 信息时报. 腾讯. 2017-03-17. 
  5. "地铁机场北站预计12月30日开通!未来白云机场将有这些变化……". 广州日报本地通. 搜狐. 2017-03-16. 
  6. 6.0 6.1 "白云机场T2航站楼4月26日启用". 信息时报. 2018-02-28. (原先內容喺2018-04-15歸檔). 喺2018-03-26搵到. 
  7. "机场北站4月26日开通". 廣州日報大洋網. 2018-04-24. (原先內容喺2018-04-24歸檔). 喺2018-04-24搵到. 
  8. "三号线机场北站4月26日开通试运营". 广州地铁. 2018-04-23. 
  9. "定了!广州地铁三号线机场北站4月26日开通试运营". 金羊网. 2018-04-23. (原先內容喺2018-04-23歸檔). 喺2018-04-24搵到. 
  10. "广州地铁三号线机场北站4月26日开通". 廣州日報. 港澳在綫. 2018-04-26. 
  11. "地铁21号线、14号线站名等你提意见". 廣州日報. 今日头条. 2018-03-30. 

上一站·下一站

上一站⇚⇚    廣州地鐵    ⇛⇛下一站
機場南站
體育西路站
機場北站
3號綫
終點
註:機場南同機場北兩站之間係免費往返。