體育西路站

體育西路站（粵拼：tai2 juk6 sai1 lou6 zaam6；英文：Tiyu Xilu Station）係廣州地鐵1號綫同3號綫嘅轉車站，喺天河區體育西路同天河南一路交界嘅地底。其中1號綫嘅月台喺1999年6月28號開放，而3號綫嘅月台喺2005年12月26號開放。

體育西路 Tiyuxilu
體育西路站（3號綫）月台曾經有嘅站名
概覽
車站代碼	114 311
位置	天河區體育西路同天河路交界地底
座標	23°7′53.4″N 113°19′15.6″E
車站色	1號綫：　+　花崗岩 3號綫：
經過路線	1 3
啟站	1號綫：1999年6月28號 3號綫：2005年12月26號
月台數	3
站口數	9
營運資訊
車站服務時間	06:13～23:39
列車服務時間	06:18～23:34
廣州地鐵1號綫 西朗　◄楊箕 （1.3km） （1km）體育中心►　廣州東站
廣州地鐵3號綫 （1.3km）林和西►　機場北
廣州地鐵3號綫 天河客運站　◄石牌橋 （1.3km） （1.3km）珠江新城►　番禺廣場

結構

樓層

呢個站一共有3層樓嘅地下區域，其中地下1樓係站廳，有票務設施同客務中心；地下2樓係緩衝樓同1號綫嘅月台；地下3樓係3號綫嘅月台。佢同大多數1號綫同3號綫嘅車站一樣，冇廁所、休息室同母嬰室。

打掂

地下 一樓	站廳	站廳、售票機、客服中心、出入口
地下 二樓	緩衝樓	同3號綫月台、站廳接埋一齊
	2月台	←1號綫列車去楊箕站（行西塱嗰邊）
	島式月台，開左邊門
	1月台	1號綫列車去體育中心站（行廣州東站嗰邊）→
地下 三樓
	3月台	←3號綫列車去珠江新城站（行番禺廣場嗰邊）
	島式月台，開左邊門（行番禺廣場嗰邊）、開兩邊門（行機場北嗰邊）
	5月台 6月台	3號綫列車去林和西站（行機場北嗰邊）→ 3號綫 終點月台（跟住喺呢度返轉頭）
	島式月台，開左邊門（行天河客運站嗰邊）、開兩邊門（行機場北嗰邊）
	4月台	3號綫列車去石牌橋站（行天河客運站嗰邊）→

打橫

體育西路站嘅1號綫站廳	體育西路站嘅1號綫月台	柱上啲字（1號綫）
體育西路站嘅3號綫月台	體育西路站嘅3號綫站廳	柱上啲字（3號綫）

站廳

呢個站嘅站廳係一個十字架嘅共用站廳。其中1號綫係東西走向，喺天河路嘅地底；而3號綫係南北走向，喺體育西路嘅地底。而呢個站嘅收費區喺任何一個站廳嘅中間，四周圍俾人行通道同車站嘅商舖圍住嗮，而收費區入面有好多座扶手電梯、專用𨋢同樓梯往返呢兩個月台。為方便去機場嘅乘客，喺3號綫嘅南站廳入面重有得查詢航班資料。

月台

呢個站嘅1號綫有個島式站台，喺天河南一路嘅地底。而3號綫就係雙島三線式嘅站台，其中中間嗰條綫係用嚟做北段嘅南邊終點站（之後掉返轉頭行）。而支綫嘅車就唔可以直接行去中間條線度。

另外，站台入面嘅大字都唔同。喺1號綫入面嘅月台前面唔理你係車頭嘅第一節車廂定係車尾嘅最後一節車廂入面，都搵唔到大字。因為大字喺2011年俾人剷走咗。而3號綫嘅大字就喺去天河客運站嗰邊嘅月台中間嗰度，不過而家都已經冇咗。

商鋪同自助服務

而家嘅體育西路站入面有好多唔同類嘅鋪頭畀乘客買嘢同埋食嘢，包括咗便利檔、涼茶舖、麵包檔同洗衫舖、書店、賣衫褲檔、首飾舖、手機檔等。

另外，體育西路站入面重有好多自助服務設施畀乘客用，包括咗自動櫃員機、自動販賣機、自動影相機同羊城通充值機等；重有可以充羊城通、交水電費同交通嘅罰錢、查地鐵嘅路線、頭尾班車同埋地鐵嘅安全指引同畀乘客登記變成廣州地鐵薈嘅會員嚟查獎分、換獎品嘅服務。

商鋪 美心西餅 星奇異 7-Eleven 鴻福堂 羊城通客服中心 天天洗衣 日閱堂 自然派 棉元素 摯愛 佐丹奴 華爾街英語

自助服務 自動影相機 自動販賣機 中國建設銀行自動櫃員機 民生銀行自動櫃員機 羊城通充值機 M-Touch地鐵資料查詢 好易（Hotye）多媒體自助服務終端

出入口

體育西路站嘅出入口
A出入口 A出入口  B出入口 B出入口  C出入口附近 C出入口附近  D出入口 D出入口  G出入口 G出入口  H出入口 H出入口

冧巴	標記	方位	去到邊度
1號綫站廳
出入口A	體育西路		體育西路、廣利路、廣東省工商行政管理局、廣東市工商行政管理局、廣州市高校畢業生就業指導市場、廣州血液中心、華爾街英語體育西中心、體育西路南公交站
出入口B	天河南一路	東南	天河南一路、體育東路
出入口C	天河南一路	東南偏南	天河南一路、天河城（南門）、永旺天河城店、粵海天河城大廈、體育中心公交站
出入口D	體育中心		體育西路、天河城（西門）、天河路、天河體育中心、體育中心公交站
3號綫北站廳
出入口E	天河又一城	北	廣州購書中心、維多利廣場、天河體育中心、廣百天河中怡店、中國南方人才市場、城建大廈、安信證券體育西路營業部、BRT體育中心站、體育中心(西行)公交站、維多利廣場公交站、體育西路公交總站
3號綫南站廳
出入口G	體育西路	南	體育西路、廣州第十二人民醫院、天榮中學、黃埔大道西
出入口H	體育西路		體育西路、天河南一路、廣州市稅務局
註： 有盲人引導徑 | 有輪椅升降臺 | 出入口都喺同一層樓

頭尾班車信息同配線圖

配線圖
例 █ 1號綫 ▲　體育中心站 ▼　楊箕站

配線圖
例 █ 3號綫 ▲　林和西站 ▶　石牌橋站 ▼　珠江新城站

行去邊頭	頭班車	尾班車
每日
1號綫
去西朗站	06:14	23:34
去廣州東站	06:20	23:20
3號綫
番禺廣場站	06:12	23:40
天河客運站	06:18	23:19
嘉禾望崗站	06:00	23:30
機場北站	06:00	23:00
注意： 喺晚黑最後一班車開走之前嗰5分鐘之內， 係唔畀入閘坐車（包括埋買車飛）。

車站歷史

1號綫時期

喺1987年嘅「十字線網」規劃入面出現咗而家嘅體育西路站出嚟

規劃

喺1987年，嗰時嘅廣州市人民政府準備引入德國資本嚟起地鐵，而份方案就出咗好多個版本。嗰時嘅方案1入面就出咗而家1號綫嘅樣，不過佢冇整到體育西路站，後嚟徵集咗市民意見之後就改咗下天河區入面行嘅路線，跟住喺而家天河路同體育西路嘅交界嗰度整咗個站，而站名就叫「體育西路站」。

施工

到咗1994年8月份，1號綫全路線段正式開始逳手起，起到1999年初，車站封頂。而起緊呢個站嗰陣就事先留低咗喺後嚟1997年規劃嘅轉黃埔輕軌條件落嚟。

開通

1999年6月28號，1號綫全線通車之後，呢個站嘅1號綫區域正式開放。

3號綫時期

2005年12月26號開通咗3號綫無耐嘅月台中間嗰度睇到嚿導向牌寫住「機場快綫」呢4個字。

規劃

喺1997年嘅《廣州市城市快速軌道交通線網規劃研究（最終報告）》入面就將嗰時嘅方案B——5號綫（環線，唔係而家嘅5號綫）嘅東邊（體育西路到客村）嗰橛，劃入而家嘅3號綫嗰度。後嚟3號綫嘅路線正式定咗係噉行。

施工

到咗2003年5月18號，1號綫嘅首通段喺呢個站正式開始逳手起。佢就將之前事先留低咗嘅黃埔輕軌條件整大道而家噉嘅樣。工程喺2005年8月封頂。

開通

2005年12月26號，3號綫首通段通車之後，呢個站嘅3號綫區域正式開放。

1號綫同3號綫嘅轉車車站時期

首通段（2005年12月26號~2006年11月20號）

喺啱啱開通咗3號綫無耐，嗰時凈係用最出面嘅兩個月台，而中間嘅月台用嚟做存車線（睇埋下面嘅樓層）。而呢筍嘢一直到2006年11月20號嘅3號綫停運40日為止。

地下 三樓
	月台	←3號綫列車去珠江新城站（行客村嗰邊）
	島式月台，開左邊門
	月台	3號綫臨時月台
	島式月台，開左邊門
	月台	3號綫列車去林和西站（行廣州東站嗰邊）→

一期全線通車（2006年12月30號～2010年4月20號）

到咗2006年12月30號嘅3號綫嘅一期路線通嗮車之後，呢個站嘅3號綫區域開始恢復返。由於呢個站開咗2個月台嘅關係，營運安排就變成2條路線：其中一條係天河客運站⇆番禺廣場，重有一條係廣州東站⇆體育西路，而兩條路線之間係唔可以直接連埋一齊，一定要喺呢個站轉車先至得。嗰時3號綫用嘅係3節車廂，而喺廣州東站到體育西路之間嘅列車就喺呢個站停咗車之後就開2次門。而嗰時轉1號綫或出站、或去番禺廣場嗰邊嘅，就必須要喺列車開第一次門嗰陣落車，而去天河客運站嘅，就一定要喺開第二次門嗰陣落車。（睇埋下面嘅樓層結構圖）

地下 三樓
	月台	←3號綫列車去珠江新城站（行客村嗰邊）
	島式月台，開左邊門（番禺廣場方向）、開左邊門（第一次開門，廣州東站方向）
	月台	3號綫列車去林和西站（行廣州東站嗰邊）→
	島式月台，開左邊門（天河客運站方向）、開右邊門（第二次開門，廣州東站方向）
	月台	3號綫列車去石牌橋站（行天河客運站嗰邊）→

而呢個安排一直到2010年4月20號為止，嗰時由於「廣州東站⇆體育西路」嘅列車編組3改6，而列車喺停車嗰陣改成同時開同閂兩邊嘅門。而營運安排方面，重一直用到而家。

北延段開始延長（2010年10月30號~而家）

到咗2010年10月30號，之前廣州東站⇆體育西路嘅列車就變成體育西路⇆機場南。同時重開放多咗個轉車嘅車站，而2013年12月28號嘅6號綫開咗之後，重多咗2個轉車嘅站。

實行大細交路（2019年4月11號～而家）

從2019年4月11號開始，凡係呢個站嘅4號月台實施嘅大細交路標記。上車之前都要睇清楚呢樣。

從2019年4月11號開始，廣州地鐵爲咗配合3號綫開通到機場北同開放高增站嘅關係，加上解決體育西路站出現大批轉車旅客滯留嘅關係而加開從番禺廣場⇆機場北嘅班車。嗰時凡係喺呢個站嘅4號月台準備搭3號綫到北邊啲車站時，必須要睇清楚行邊個方向先至得。喺4號月台，每次列車嚟時，車頭個樣都唔同。不過車頭個樣規律都係以下呢啲：

• 南瓜頭：番禺廣場⇆天河客運站
• 飛機車：番禺廣場⇆機場北

列車報站廣播

喺地鐵開放咗體育西路站之後到2014年7月21號為止，1號綫嘅廣播就冇乜點變，不過列車話下一站係體育西路站嗰陣，從女聲變咗男聲嘅廣播。但係3號綫就差咗好多，唔理喺天河客運站⇆番禺廣場定係體育西路⇆機場南嘅列車，轉車指引廣播同杭州地鐵1號綫嘅報站差唔多，凈得普通話同英文就乜到冇喇，後嚟到咗2014年7月21號，地鐵公司就將廣播更新咗，天河客運站⇆番禺廣場嘅列車話下一站係體育西路站嗰陣，多咗個粵語報站出嚟，但嗰時報站名係男聲廣播。直到2018年4月26號，由於3號綫繼續向北延長到機場北，原先轉車嘅廣播指引變成2017年12月28號開通咗9號綫時報去廣州北站嘅版，不過報下一站嘅站名變成女聲廣播。

出入口

早晚高峰期間，3號綫區域成日有好多人出站或轉1號綫。

呢個站喺開通咗1號綫嗰陣凈係得A、B、C、D呢4個出入口，後嚟喺3號綫開通咗之後，陸續多咗3個出入口出嚟。而之前嘅B出入口有分開咗2個嘅，但係B2出入口由於同佢配套埋一齊嘅地下商場執咗笠，加上地鐵公司唔想俾市民同天河南站嘅出入口搞亂（因為距離天河南站嘅唯一一個出入口凈係得100米到），所以地鐵公司就將B2出入口閂咗。

利用狀況

體育西路站係廣州地鐵入面嘅其中一個重要嘅樞紐站，佢重係廣州市入面去到海珠區嘅新港路（尤其係赤崗同琶洲地區）嘅唯一轉車車站。喺2005年12月26號14:00之前，喺呢個站去海珠區嘅新港路（尤其係赤崗同琶洲地區）嗰邊啲人都係成日坐巴士直達（因為嗰時嘅地鐵要兜個大彎先至到赤崗同琶洲地區嗰邊）。後嚟喺3號綫首通段開通咗之後，好多遊客同埋喺海珠區嘅乘客想去珠江新城、赤崗同琶洲地區都唔再坐巴士過河，而喺呢個站度轉3號綫過去，所以出入站嘅同轉車嘅客流都好大，甚至重喺早晚高峰出現井噴咁滯。成日都有好多人嚟呢個站轉車嘅，而且車站冇幾遠就係天河城嘅中心地區同一大堆住宅響度。重有喺天河體育中心南門重可以出站轉BRT同APM，所以呢個站嘅客流都幾多下。尤其係上落班高峰期同節假日，重逼到爆咁滯，佢係廣州地鐵入面人流最多、交通最繁忙嘅車站。呢個站入面啲乘客成日都要等2——3班車先至上到去。尤其呢個站隔籬有間天河體育中心，喺嗰日有比賽或演唱會或花市活動嗰陣，客流甚至重出現井噴咁滯。雖然話2010年11月8號開通嘅APM整咗個體育中心南站出嚟，但係APM凈係行天河北同珠江新城中軸線嗰帶嘅關係，所以喺分開呢個站嘅客流方面，重冇乜用噉。

轉車須知

喺呢個站嘅轉車方面，除咗3號綫嘅兩條綫之間嘅轉車之外，凈低嘅轉車都係一定要行出去站廳先至可以轉。不過到咗以下呢啲情況一定要注意下：

• 凈係1號綫轉3號綫啱用：

  到咗站廳之後，行去有純黃色嘅站廳嗰度入去，但係千祈唔好行去南邊嘅站廳嗰度落去。因為南邊嘅站廳係去唔到3號綫，加上嗰度冇樓梯，凈係得從樓底都站廳方向嘅扶手電梯響度。所以必須要喺北邊嘅站廳嗰度入去先至可以去到3號綫嘅轉車樓。

  到咗3號綫嘅轉車樓之後，又唔好搞錯方向！除非係去機場嗰條，唔係嘅話就一定要睇清楚嗰個月台係去邊度！因為唔同月台，去邊度都唔一樣。

  轉車樓嘅左邊：往天河客運站或機場南站

  轉車樓嘅右邊：往番禺廣場站或機場南站

  提醒：如估唔好彩落錯咗月台嘅，有2個方法可以揀返啱你心水嘅路線為止：

  重新上返去轉車樓，跟住行過去對面嘅月台嗰邊。

  等廣州東站⇆體育西路嘅列車到咗站且開咗門之後，喺兩棟門未閂之前直接穿過去。如估廣州東站⇆體育西路嘅列車燈開始眨嗰陣就唔好過去。

• 凈係3號綫轉1號綫啱用：

  到咗站廳之後，行去有藍色柱同好多嚿花崗岩裝飾嘅站廳入去，跟住落去月台嗰度轉車就得。

• 凈係3號綫嘅兩條綫之間啱用：

  行過去對面嘅站台就得。

附近嘅建築同景區

天河體育中心

天環廣場

商場

• 天河城廣場
• 維多利廣場
• 廣州購書中心
• 天環廣場
• 天河又一城

酒店

• 廣州喜來登酒店
• 新天河賓館

政府部門

• 廣州市稅務局
• 廣州氣象站

體育場

• 天河體育中心

招聘場

• 南方人才市場

上一站·下一站

上一站⇚⇚　　　　廣州地鐵　　　　⇛⇛下一站
楊箕站 西朗站←	體育西路站 1號綫	體育中心站 →廣州東站
終點	體育西路站 3號綫	林和西站 →機場北站
石牌橋站 天河客運站←	體育西路站 3號綫	珠江新城站 →番禺廣場站
3號綫嘅之前機場快綫嗰條到呢個站之後就返轉頭。