步協粵拼bou6 hip6;?—?),臨淮淮陰人(而家江蘇淮安),係三國東吳將領,係吳國丞相步騭嘅大仔。

步協
東吳 將領、臨湘侯
活躍時期 247年~264年
前任 步騭
繼任 步璣
遞啲名

赤烏十年(247年),步協老豆步騭過世,佢作爲大仔繼承老豆爵位臨湘侯,接手老豆嘅軍隊,加封爲撫軍將軍。

永安七年(264年)農曆二月,由於蜀漢已經畀曹魏滅國,吳國起咗野心,想食埋蜀漢嘅領地,以救援嘅名義打佢,派出陸抗、步協、留平盛曼。守喺永安嘅蜀漢將領羅憲覺得吳國背信棄義,所以守住巴東唔畀吳軍過。由於羅憲處於下風,派人搵救兵。不過步協係噉攻永安,羅憲都守得住,於是吳帝派陸抗三萬人圍攻羅憲,但羅憲喺無救兵嘅情況下亦堅持咗六個月咁耐,最後喺就來捱唔住之際,魏國派出胡烈兩萬步騎打吳國西陵,幫羅憲解咗圍,喺當年農曆七月吳軍退散。

步協過身後,由大仔步璣繼承爵位。步協有個細佬步闡,原本做西陵督,喺鳳皇元年(272年)召做繞帳督,佢以爲吳皇無拉拉召佢離開西陵係要害佢,結果向晉國投降,派步協嘅兩個仔步璣、步璿去洛陽做人質(呢個係《三國志》講法,《建康實錄》話只係步璿一個做人質)。吳國聽聞佢叛變,派陸抗去打佢,最後步闡輸咗,畀陸抗殺全家,成個步家得返步璿倖存。

參攷資料 編輯

  • 陳壽. 書:張顧諸葛步傳 — 步騭傳. . (步騭)(赤烏)十年卒,子協嗣,統騭所領,加撫軍將軍。協卒,子璣嗣侯。協弟闡,繼業為西陵督……鳳皇元年,召為繞帳督。闡累世在西陵,卒被征命,自以失職,又懼有讒禍,於是據城降晉,遣璣與弟璿詣洛陽為任……抗陷城,斬闡等,步氏泯滅,惟璿紹祀。
  • 陳壽. 書:三嗣主傳 — 孫休傳. . (永安)七年……二月,鎮軍陸抗、撫軍步協、征西將軍留平、建平太守盛曼,率眾圍蜀巴東守將羅憲。……魏使將軍胡烈步騎二萬侵西陵,以救羅憲,陸抗等引軍退。
  • 司馬光. 紀十. . 元皇帝下鹹熙元年(甲申,公元二六四年)……二月……初,劉禪使巴東太守襄陽羅憲將兵二千人守永安,聞成都敗,吏民驚擾,憲斬稱成都亂者一人,百姓乃定。及得禪手敕,乃帥所統臨於都亭三日。吳聞蜀敗,起兵西上,外托救援,內欲襲憲。憲曰:「本朝傾覆,吳為脣齒,不恤我難而背盟徼利,不義甚矣。且漢已亡,吳何得久?我寧能為吳降虜乎!」保城繕甲,告誓將士,厲以節義,莫不憤激。吳人聞鐘、鄧敗,百城無主,有兼蜀之志,而巴東固守,兵不得過,乃使撫軍步協率眾而西。憲力弱不能御,遣參軍楊宗突圍北出,告急於安東將軍陳騫,又送文武印綬、任子詣晉公。協攻永安,憲與戰,大破之。吳主怒,復遣鎮軍陸抗等帥眾三萬人增憲之圍。……羅憲被攻凡六月,救援不到,城中疾病太半。或說憲棄城走,憲曰:「吾為城主,百姓所仰。危不能安,急而棄之,君子不為也,畢命於此矣!」陳騫言於晉王,遣荊州刺史胡烈將步騎二萬攻西陵以救憲。秋,七月,吳師退。
  • 許嵩. "卷第三校勘記". . 步闡字仲思,丞相騭次子。以功封西陵亭侯,繼業督西陵。至是,後主征入為繞帳督。闡以累世在西陵,卒見徵命,自以為失職,懼讒,乃不應召,據城降晉,使兄子璇往洛陽為質。後主遣大將軍陸抗討擒之,夷三族。 {{cite book}}: External link in |chapter= (help)