步璿

步璿（璿讀船，粵拼：bou6 syun4；？—？），臨淮淮陰人（而家江蘇淮安），原本係三國中嘅東吳人，後來投降晉朝，做咗晉朝嘅官員、將領。佢係東吳丞相步騭嘅孫，佢老豆係步協。

步璿
晉朝 官員、將領
勢力	東吳→晉朝
活躍時期	272年
遞啲名
其他名	步璇

鳳皇元年（272年），吳帝孫皓召步璿阿叔步闡去做繞帳督。步闡繼承咗老豆步騭嘅西陵督，一直駐喺西陵，所以佢疑心自己係咪失職，驚去咗會出事，於是留喺西陵唔應，重投降埋晉朝。爲咗表示誠意，佢派步璿去洛陽做人質（喺《三國志》中話重加埋步璿阿哥步璣）。於是晉朝封佢哋三個做官，其中步璿做給事中、宣威將軍，爵位上封做都鄉侯。

吳國當年就派大軍打佢哋，雖然有晉朝嘅救兵，但最後依然唔夠吳國打。西陵攻陷後，吳國將步家滅門，唯有步璿因爲喺洛陽做人質無死到，全家留淨佢一個。

參攷資料

• 陳壽。〈吳書：張顧諸葛步傳 — 步騭傳〉. 《《三國志》》。｢（赤烏）十年（步騭）卒……協弟闡，繼業為西陵督，加昭武將軍，封西亭侯，鳳皇元年，召為繞帳督。闡累世在西陵，卒被征命，自以失職，又懼有讒禍，於是據城降晉，遣璣與弟璿詣洛陽為任，晉以闡為都督西陵諸軍事、衛將軍、儀同三司，加侍中，假節領交州牧，封宜都公。璣監江陵諸軍事、左將軍。加散騎常侍，領廬陵太守，改封江陵侯；璿給事中、宣威將軍，封都鄉侯。命車騎將軍羊祜、荊州刺吏楊肇往赴救闡。孫皓使陸抗西行，祜等遁退。抗陷城，斬闡等，步氏泯滅，惟璿紹祀。｣
• 許嵩。"卷第三校勘記". 《《建康實錄》》。｢步闡字仲思，丞相騭次子。以功封西陵亭侯，繼業督西陵。至是，後主征入為繞帳督。闡以累世在西陵，卒見徵命，自以為失職，懼讒，乃不應召，據城降晉，使兄子璇往洛陽為質。後主遣大將軍陸抗討擒之，夷三族。｣ {{cite book}}: External link in |chapter= (help)