步璣

步璣（粵拼：bou6 gei1；？—272年），臨淮淮陰人（而家江蘇淮安），原本係東吳官員，後來投降晉朝，做咗晉朝嘅官員、將領，佢係東吳丞相步騭嘅孫，佢老豆係步協。

步璣
晉朝 官員、將領
勢力	東吳→晉朝
死	272年 西陵
活躍時期	272年
前任	步協（臨湘侯）
遞啲名

步協過身後，佢作爲長孫繼承咗阿爺傳落嘅爵位臨湘侯。

鳳皇元年（272年），佢阿叔步闡原本做緊西陵督，突然畀吳皇召去做繞帳督，佢阿叔以爲佢失職，驚畀人處罰，結果留喺西陵投降咗晉朝。步璣同佢細佬步璿亦跟住一齊降晉。據《三國志》，佢哋兩個畀阿叔派去洛陽做人質，而《建康實錄》話只有步璿一個。投降後，晉朝封步璣做江陵諸軍事、左將軍，兼做散騎常侍、廬陵太守，爵位上改封爲江陵侯。

東吳聽到步家降晉後，立即派陸抗討伐佢哋，當年西陵就陷落，包括步璣在內嘅步氏全家都殺曬，得返喺洛陽嘅步璿倖存到。

參攷資料

• 陳壽. 〈吳書：張顧諸葛步傳 — 步騭傳〉. 《《三國志》》. 十年卒，子協嗣，統騭所領，加撫軍將軍。協卒，子璣嗣侯。……協弟闡，繼業為西陵督，加昭武將軍，封西亭侯，鳳皇元年，召為繞帳督。闡累世在西陵，卒被征命，自以失職，又懼有讒禍，於是據城降晉，遣璣與弟璿詣洛陽為任，晉以闡為都督西陵諸軍事、衛將軍、儀同三司，加侍中，假節領交州牧，封宜都公。璣監江陵諸軍事、左將軍。加散騎常侍，領廬陵太守，改封江陵侯；璿給事中、宣威將軍，封都鄉侯。命車騎將軍羊祜、荊州刺吏楊肇往赴救闡。孫皓使陸抗西行，祜等遁退。抗陷城，斬闡等，步氏泯滅，惟璿紹祀。
• 陳壽. 〈吳書：三嗣主傳 — 孫皓傳〉. 《《三國志》》. 凰皇元年秋八月，征西陵督步闡。闡不應，據城降晉。遣樂鄉都督陸抗圍取闡，闡眾悉降。闡及同計數十人皆夷三族。
• 許嵩. "卷第三校勘記". 《《建康實錄》》. 步闡字仲思，丞相騭次子。以功封西陵亭侯，繼業督西陵。至是，後主征入為繞帳督。闡以累世在西陵，卒見徵命，自以為失職，懼讒，乃不應召，據城降晉，使兄子璇往洛陽為質。後主遣大將軍陸抗討擒之，夷三族。 {{cite book}}: External link in |chapter= (help)