武術散打
(由武打跳轉過嚟)
「武打」跳轉到呢度。武術散打，簡稱散打，又叫做散手，喺歷史上有過好多種唔同嘅叫法，好似相搏、手搏、白打、對拆、技擊。散打意思即係將中國武術以實戰為目的所發展出嚟嘅格鬥形式。由於近代散打比賽都係喺擂台上進行，所以又有人叫佢做「打擂台」。
簡史 編輯
其實「打擂台」喺中國歷史悠久，一早喺唐代就已經有“角藝”呢樣嘢，去到明、清兩代嘅比武風氣就更加盛行，而且高手輩出，相當熱鬧。
但係中國大陸喺 1949年由於政治形勢影響，令傳統武術受到侷限，一直只係維持喺健身同表演範圍入面，而自由式擂台搏擊，即係所謂嘅「散手」，就沉寂咗成三十幾年。直至 1979年先畀中央政府訂為試驗項目發展，當時國家體委按照競技體育模式，首先喺浙江省體委、北京體育學院同武漢體育學院進行咗對抗性武術項目試點訓練，又喺同年5月喺廣西南寧舉行嘅全國武術觀摩交流大會上做咗第一次匯報表演。
1982年制定咗一套《散打比賽規則》，1987年，國家體委批准散打為正式比賽項目[1]
1980年代嘅香港亦曾經有過一陣自由搏擊嘅熱潮，期間出過好多高手，但係畀英國殖民政府以安全為理由而壓制咗發展
喺1985年由徐家傑帶領一批自由搏擊選手，去到上海同泰國嘅拳手打，而結果係被外間評為“輸得好難睇”。
其實一直以嚟中國嘅選手喺同其他國家選手嘅比賽入面，都好似唔多掂，於是有人懷疑所謂二千幾年中華武術，唔通只係得個樣，有姿態無實際？
喺反省過之後認為，中國武術如果要喺國際擂台上立足，就一定要面對擂台嘅考驗，於是散打就開始被嚴肅同認真咁發展起嚟，而散打選手嘅成績亦越嚟越理想
散打王 編輯
散打戰泰拳 編輯
比賽規則 編輯
中國武術家喺國際擂台上嘅戰績 編輯
Bomber 向柏榮轟炸機:綜合搏擊冠軍、香港散打冠軍、香港泰拳拳王、深港澳拳擊冠軍、世界泰拳冠軍、世界拳王、K-1冠軍、Shoot Boxing站立綜合格鬥冠軍
