母親的抉擇英文Mother's Choice)係香港一間慈善機構,喺1987年成立,服務香港眾多冇屋企嘅細路同意外懷孕少女,為弱勢少女同BB燃點希望、改寫生命,遠景係每個細路都擁有一個關愛嘅家。使命係同社會攜手燃點希望、改寫生命。

歷史 編輯

1986年,一連串嘅新聞報道令到史堤芬夫婦同馬華夫婦(Gary & Helen Stephens,Ranjan & Phyllis Marwah)驚覺香港原來有唔少嘅少女面對意外懷孕,驅使佢哋成立「母親的抉擇」。雖然幾位創辦人啱啱先至成家立室,又缺乏資源,但係佢哋依然堅持進行呢個計劃。於是喺1987年,憑住一股服務他人嘅熱誠同對香港嘅愛,以及社區唔同人士嘅支持,佢哋創辦咗「母親的抉擇」。最初,佢哋只係向孤立無援嘅意外懷孕少女同佢哋嘅BB提供關愛同唔帶批判嘅支持。但係喺冇幾耐之後,佢哋更擴展到關顧其他冇屋企嘅細路、為佢哋爭取早日擁有永久家庭,並為香港嘅家庭提供支援。

服務 編輯

兒童服務 編輯

關愛照顧

支援每個照顧細路嘅人,包括母親的抉擇嘅員工、超過450位義工團隊同寄養家庭,確保每個細路都得到可以信賴嘅大人關心同照顧。

早期介入治療

幼兒期對於一個細路將來嘅發展非常關鍵,唔同範疇嘅團隊包括職業治療師、語言治療師、物理治療師,合力為每個細路訂立個人化嘅護理療程,鼓勵佢哋充分發展潛能。

倡議永久

每個細路都應該擁有屬於自己嘅屋企,致力為佢哋爭取盡早加入一個永久家庭,包括同親生家庭團聚或加入領養家庭。

青少年服務 編輯

唔帶批判嘅支援

為少女提供中立、冇偏見嘅支援,並鼓勵青少年因應自己嘅價值觀、諗法、信念,為未來探索更多可能性。

全面嘅資訊

全面同正確嘅資訊能夠幫助少女作出一個深思熟慮嘅選擇。

賦予力量

畀青少年作出自己嘅決定,鼓勵佢哋掌控自己嘅人生,透過服務為青少年提供知識、技能、工具,幫助佢哋面對佢哋未來嘅選擇。

家庭服務 編輯

領養服務

由家庭展開領養歷程開始,就為呢啲家庭作好準備同提供支援,致力能夠令到每個細路都能夠喺一個永久家庭茁壯成長。為家庭提供培訓、鼓勵家庭互相打氣,並致力提高香港社會對領養嘅認知。

意外懷孕支援服務

為少女提供唔帶批判嘅支援以及關愛同支持,畀佢能夠作出一個深思熟慮嘅決定。為決定成為母親嘅少女孩子辨別佢哋身邊重要嘅支持者、促進同儕間嘅支持,並提供佢哋所需要嘅培訓同其他資源,畀佢哋做好成為家長嘅準備。

寄養服務

招募合適嘅寄養家庭,為佢哋作好準備,支援佢哋為細路提供關愛嘅短暫照顧。為細路提供短暫照顧係一個極具挑戰但又充滿喜悅嘅經驗。透過謹慎評估、配對同持續培訓支援,承諾同寄養家庭攜手同行,經歷過程中嘅每個階段。

出面網頁 編輯