比華利山 (香港)

  提示：呢篇文講嘅唔係比華利山別墅。

比華利山係香港嘅一個私人豪宅屋苑，位於香港島跑馬地樂活道6號，嚮1988年落成，發展商為恒基兆業同恒隆地產。比華利山由10座高30至37層嘅樓組成。

比華利山連道入口近攝

比華利山連道入口

歷史

比華利山現址前身為一稱為「朗園」嘅別墅，為培僑中學嘅校舍。1983年，該校遷往寶馬山，並將地皮交由發展商興建比華利山，而發展商亦資助培僑起新校舍嘅資金。

比華利山喺建築過程之中，採用當時先進嘅技術，克服大樓坐落於斜坡之上嘅問題。

意外

冧棚架事件

2021年10月8號上晝10點左右，受熱帶風暴獅子山帶嚟嘅暴雨影響，比華利山外牆嘅大幅棚架塌咗落去樂活道，令條路全線封閉。兩架私家車俾棚架壓住，消防員接報到場救出兩名司機，其中一人手部受傷，另一人拒絕送院。事發當時有5男兩女工人，其中兩名工人一度被困，一人被救出時清醒，另一名55歲女工用咗80分鐘先被救出，嗰時佢已經昏迷，嘴部有血，眼又腫，之後由救護車送去律敦治醫院，經搶救證實不治。