水炮車

水炮車，正式名人群管理特別用途車（英文：Specialised crowd management vehicles），係香港警務處嘅警車，上面裝有可以射水嘅裝置，用嚟驅散暴示威者。但香港警察多次以藍色催淚水射向途人及記者，令國際嘩然。

水炮車

香港警方喺2019年用咗1,659萬港紙買咗三架水炮車，喺反逃犯條例修訂運動嘅八二五荃葵青遊行頭一次出動，而喺一個禮拜後嘅人大八三一五周年示威，頭一次安排水炮車射藍色催淚水。同年10月20號廢除惡法獨立調查重組警隊大遊行，水炮車將藍色催淚水射向九龍清真寺出面而引起爭議，第二日行政長官林鄭月娥同警務處處長盧偉聰去清真寺親自道歉。