廢除惡法獨立調查重組警隊大遊行

廢除惡法獨立調查重組警隊大遊行，係2019年10月20號香港一次反逃犯條例修訂嘅公眾遊行，本嚟係民陣主辦，但警方發咗「反對通知書」，民陣宣佈放棄主辦，跟住民主派前立法會議員何秀蘭、何俊仁、梁國雄同民陣副召集人陳皓桓宣佈以個人名義接辦，由尖沙嘴梳士巴利花園行到西九龍站，亦有部份人繼續行到旺角同深水埗。主辦單位估計有超過35萬人參加。

廢除惡法獨立調查重組警隊大遊行

遊行期間，警方喺尖沙嘴清場嗰陣，用水炮車向九龍清真寺門口射藍色催淚水，引起好大批評，行政長官林鄭月娥同警務處處長盧偉聰第二日入寺道歉。