水鼠耳蝠
水鼠耳蝠（Myotis daubentonii）係一種廣泛分佈歐亞大陸嘅鼠耳蝠屬。佢嘅英文名「Daubenton」係嚟自法國一位自然學家Louis-Jean-Marie Daubenton。
 | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| 物種分類 | ||||||||||||||
| ||||||||||||||
| Myotis daubentonii （Kuhl, 1817） | ||||||||||||||
 |
特徵
編輯佢係一隻細至中等身形嘅蝙蝠。背脊毛色為啡色至黃啡色不等。肚嘅顏色較淺。眼細，耳殼長而向慢彎。細隻時毛色會比成年嘅較深色。身長平均 50 毫米長，翼伸長時平均 260 毫米。體重平均 7-15 克。
生活習性
編輯水鼠耳蝠廣泛分佈歐亞大陸：歐洲記錄有英國、愛爾蘭。亞洲記錄有南韓、日本、中國同越南等地。鍾意住響樹洞，引水道同礦坑。一般獨居，但有時會 3、4 隻群埋一齊。
食乜
編輯同好多蝙蝠一樣，水鼠耳蝠夜晚時會利用動物回聲定位搵獵物。佢哋會用呢種方法劃出一幅「聲納圖」，所發出嘅頻率大約 32 至 85 kHz， 一般嘅叫聲以 45 到 50 kHz 為頂，有 3.3 ms 咁耐。
佢哋主要食蟲，食烏鷹，蜉蝣等昆蟲。但亦有捉魚毛嘅記錄。佢哋會用腳捉住游往水面嘅魚毛，而且可以一邊飛一邊食嘢。外國研究顯示，一隻7克重嘅水鼠耳蝠經過一個鐘頭搵食後，體重可增加至11克，相當於本身體重嘅57%。
繁殖
編輯
響外國，水鼠耳蝠主要響秋天交配，到春天先生產。通常一胎一隻，蝙蝠仔出世後大約三個禮拜就識得飛，到 6 至 8 個禮拜後就可以完全獨立。
保育狀況
編輯
由1981年起，所有英國境內嘅蝙蝠都係受到野生動物及郊野公園條例第 5 條保護，而香港亦有類似法例：野生動物保護條例，嚟保護境內蝙蝠。但香港自1990年上一次搵倒之後，再冇其他記錄。