永寧圍
永寧圍喺香港新界粉嶺龍躍頭，喺永寧村嘅北面，係龍躍頭鄧族聚居嘅圍村，係龍躍頭「五圍六村」之一。喺1985年評為香港二級歷史建築，但喺2010年6月24號改評為香港三級歷史建築。
史
編輯龍躍頭鄧族係錦田鄧族嘅分支，永寧圍相傳已有四百年嘅歷史。
結構
編輯梧桐河喺永寧圍嘅西面，風水甚佳。永寧圍嘅門樓喺1744年起，用紅粉石砌成，兩邊嘅對聯係「永承吉水 寧住龍山」。因日久失修，青磚嘅圍牆已變成頹垣斷壁。圍裏面起咗三排面向東北嘅村屋，但由於隨住時代發展，圍裏面嘅傳統房屋已經無幾多剩。
參考
編輯- 《新界宗族文化之旅》，嚴瑞源編著，萬里書店，ISBN 962-14-2936-6