池

  想搵第二個意思嘅話，請睇池 (搞清楚)。

池，即人工造塘，水靜唔流，細過湖，按西洋定義水塘亦歸入依類。佢有時亦叫塘，或並稱池塘。

郊野公園造池

大阪城池

園林中池景

英文名artificial pond，指明人工。然而英文pond示身已暗示人工，不過後來亦包括一啲天然，或者年代已久，以為天然都有。如英國中世紀教會會截涌水溪水為池，養魚供食。後世融為天然，為眾多禽獸棲息地，地名仍保留至今。

池，本身講截停啲水唔流。說文話「治也。孔安國曰、停水曰池。」

有啲池自然生態甚為重要，亦指名保護，成保護區 。

人工造池好古老。簡單好多溪流中以木石塞住，聚水成池。現代用鋼筋石屎亦做得到。

造池原因好多。古時蓄水養魚好常見，主要食用。池亦可以用供水，食用又好，耕田又好。另外亦有園林內建池，一來景色，二來有魚同水禽。另外起池亦有防守之用，城牆之外多層保障，所謂城池。現今亦有刻意郊外建池，令野外多啲唔同生物，水生動植物，水禽之類。