波利菲莫斯

波利菲莫斯（古希臘文：Πολύφημος / Polyphēmos）係希臘神話裏面一個角色，獨眼巨人，想食奧德修斯同埋佢啲手下，奧德修斯還手嗰陣插盲咗佢隻眼。

奧德修記

内文：奧德修記

奧德修斯佢哋航行，去到獨眼巨人嘅島，喺座島嘅大山窿裏面搵到大量嘅肉同芝士，點知獨眼巨人喺呢個時候返山窿，仲即場捉咗奧德修斯嘅兩個手下嚟食；為咗脫險，奧德修斯出計扮請獨眼巨人飲酒，而等到獨眼巨人飲醉之後，奧德修斯同佢啲手下就郁手攞一碌好尖嘅木樁插盲獨眼巨人隻眼，並且趁住此舉引起嘅混亂逃走。

奧德修斯一路走一路大聲噉笑獨眼巨人，途中提到自己個真名係乜。出乎所有人意料嘅係，原來獨眼巨人係海神普西頓個仔，佢知道咗奧德修斯係邊個，就向佢阿爸祈禱。普西頓聽到個仔嘅祈禱，知道自己個仔盲咗，就勃然大怒，施法咒奧德修斯，咒佢要十年都冇得返屋企。