洲頭咀隧道

 洲頭咀隧道（粵拼：zau1 tau4 zeoi2 seoi6 dou6） 係中國廣東省廣州市嘅一條跨過珠江嘅隧道，喺荔灣區芳村同海珠區洲頭咀嘅交界，白鵝潭嘅南邊冇幾遠嗰度。呢條隧道係廣州最大嘅過江隧道。

洲頭咀隧道

概括

呢條隧道嘅西邊出入口喺荔灣區下芳村，連接花蕾路、芳村大道東；東邊出入口喺海珠區同福西路，同內環路、工業大道北接埋一齊。

全長3250米，其中河中間嗰段全長1934米，係東西走向嘅。

歷史

本嚟呢條隧道規劃喺2005年底開始喐手起，但係因為規劃方面一改再改，拖到2007年11月20號開始喐手起。不過喺起緊隧道嗰陣，由於徵地拆遷問題，加上遇到附近嘅文物保護糾紛（例如附近嘅德國教堂同美國教堂，都係文物）同埋同福西站話係（8號綫同19號綫）轉車嘅車站關係，搞到兩個嘅工期一拖再拖，重要係成隊噉嚟。而隧道工程方面，喺2009年重停咗施工一段時間，而且工程範圍重波及到工地範圍入面話唔使拆嘅屋，再加上複雜嘅施工技術等一系列嘅問題而拖到2014年底繼續開工。工期直到2015年1月底先至完結。