廣州地鐵19號綫濱江綫)係規劃緊嘅廣州地鐵路綫之一,亦係為數唔多而規劃緊嘅市區加密綫。呢條綫未納入到廣州地鐵新一輪建設規劃(2016-2022)中,估計有實際動作重要等幾耐。

綫路概況 編輯

廣州地鐵19號綫係廣州市區重要嘅橫向加密線。綫路西起荔灣區芳村葵蓬,穿過荔灣區、海珠區天河區黃埔區,東止黃埔區姬堂,中間經過珠江泳場琶洲西區匯景新城奧體中心等區域 。線路全長約32km。

以下內容根據綫網遠景圖得出,不具備商業參考價值。由於規劃嘅唔確定性,一切以屆時嘅實際情況為準。

走向 編輯

綫路起於穗鹽路廣佛市界段,下穿花地河,喺茶滘路花地大道口轉向東北,下穿芳村大道同酒吧街後過江,喺江底轉向東,到達洲頭咀後沿同福路、仲愷路、沿江路同雙塔路敷設,喺海洲路口以東以一個大曲綫轉向北,沿馬場路同華南快速敷設,下穿廣深鐵路同廣園路後轉向東進入匯景北路,下穿科韻路後進入廣氮地區,以反U形綫位繞經世界大觀後沿規劃路向東,止於規劃路科豐路口。

車站 編輯

綫路自西向東設站為:葵蓬、茶滘、芳村、同福西、海幢公園、市二宮、素社、珠江泳場、上渡路、嶺南廣場、珠啤、琶洲西區、潭村、馬場、華景路、匯景新城、廣氮、世界大觀、環場東路、岐山路、姬堂。

註:站名根據車站所在地及既有綫車站猜測,以官方實際公佈為準。

換乘站 編輯

  • 芳村站:換乘1號綫11號綫
    11號綫建設時將喺站台東端預留換乘節點,預計同11號綫係節點換乘,同1號綫係站廳換乘。
  • 同福西站:換乘8號綫
    8號綫建設時已預留換乘節點,係π形節點換乘。
  • 市二宮站:換乘2號綫
    2號綫建設時未作預留,預計係站廳換乘。
  • 珠江泳場站:換乘10號綫
    10號綫重規劃緊,未知係點換乘。不過已知嘅係兩條綫平行接入。
  • 嶺南廣場站:換乘12號綫
    12號綫重規劃緊,未知係點換乘。不過已知嘅係兩條綫平行接入。至於同3號綫廣州塔站連唔連接,依家都係未知數。
  • 琶洲西區站:換乘18號綫
    18號綫重規劃緊,未知係點換乘。至於同8號綫磨碟沙站連唔連接,依家都重係未知數。
  • 潭村站:換乘5號綫
    5號綫建設時冇作預留,預計係站廳換乘。
  • 馬場站:換乘13號綫
    13號綫二期重規劃緊,未知係點換乘。
  • 華景路站:換乘11號綫
    由於19號綫方案唔確定,綫位可能距離11號綫同名車站過遠,11號綫建設時未作預留。
  • 世界大觀站:換乘21號綫
    由於19號綫方案嘅唔確定性,21號綫建設時淨係預留咗通道換乘接口。
  • 姬堂站(奧體東站):換乘7號綫
    7號綫二期重規劃緊,未知係點換乘。

有關計劃 編輯

  • 目前19號綫未納入新一輪建設規劃(2016-2022),需要等到下一輪先至可以建設。
  • 佛山方面有規劃等19號綫沿穗鹽路繼續西延到佛山西站,不過廣州方面未作回應。
  • 增城同黃埔希望爭取19號綫繼續東延,經過開發區東區進入新塘,但目前重未有定案。

編輯