浮飄

浮飄（注意浮字有古音讀法，讀蒲^{[註 1]}，飄字讀嫖，粵拼：pou4 piu4），係天南星科浮飄屬嘅水生草本植物，而家喺全球各地嘅池塘或山塘嘅沼澤地、河溝同湖泊入面都搵到。

How to read a taxobox

浮飄

物種分類

Lemna minor
L.

佢雖然係成日見到嘅水生雜草之一，但佢有水面綠化作用^[2]。

名

呢種植物因為浮響水面或者浸住響水面下邊而改成噉嘅名。

植株得1條根，長3～4cm，由細嘅葉組成。葉呈圓形，淺綠，直徑1.5～6mm，最大去到3cm，兩邊平滑。花屬佛焰花序，樣似苞囊，公乸同草（數量係2公1乸），多數生喺葉狀體邊開裂位；每年6～7月開花。果屬單果，圓形，入面有一粒籽。

植株可以攞嚟做動物嘅飼料同食物^[3]，亦可以攞嚟做藥，有宣散風熱，透疹同利尿嘅功效。佢亦可做水草造景。

↑ 因為呢種植物早喺大唐從中州一帶（今日嘅山西臨汾大寧縣）開始南下流傳，嗰時中州音讀「p」音，後嚟廣府話接受咗嗰時中原地區傳入嘅音韻而照樣讀「蒲」^[1]。雖然中原地區後嚟出現「f」音而南下流傳，但重保留咗原有最古老嘅讀法。