海心島

  提示：呢篇文講嘅唔係海心沙島。

海心島，又叫土瓜灣島（灣讀環），係香港一島。家陣已沒入填地之中，唔再係島。佢喺九龍半島東岸，土瓜灣對出，卽係浙江街對出。一九六四年，土瓜灣填海，海心島自此同九龍半島相連。海心島行政上歸九龍城區。

《北京條約》中國割讓予英國的九龍半島部份，海心島喺土家灣（土瓜灣）同馬頭涌之間

海心島上有兩石，一海心石，一魚尾石，前者東經114度11分31.55秒，後者北緯22度18分53.32秒。兩石係呢度名勝，舊時有座海心廟，又叫龍母廟。一九七一年填地，座廟剷平。家下該處係海心公園，而海心廟原廟牌匾，就搬到區內下鄉道天后廟右側偏殿。

海心島原有「龍母」壇，舊時漁民同水上人，都去參拜。除善信之外，海心廟舊時都係旅遊勝地，「魚尾石」至有名。填海之前，島對岸有艇，載人往返，「龍母」壇後尾移到下鄉道天后廟側邊，受善信祭祀。間廟宇係華人廟宇委員會管理。