土瓜灣
土瓜灣（粵拼：tou2 gwaa1 waan1*4；灣今讀環；英文：To Kwa Wan）係香港九龍一道地方。響九龍半島東岸，係九龍市區一部份，同鶴園、馬頭角為鄰。行政上係屬於九龍城區。
土瓜灣原本係個大海灣，同九龍灣連住，係維多利亞港一部份。土瓜灣喺英國人佔領九龍半島之前已經有人住。個灣對出有個海心島，又叫做土瓜灣島，島上有石有廟，係遊覽勝地。不過因土瓜灣要填平，連埋九龍半島度。
而家土瓜灣主要係住宅區，同時開咗唔少傢俬鋪同室內設計公司。
相傳宋室一班人着草到官富場（今九龍城）時，村民出去迎接，同埋向佢哋獻上糧食，其中有由村民種植嘅土瓜。由於村民護駕有功，宋帝就賜咗一把黃緞巨傘畀佢哋。直至宋朝滅亡之後，每逢土瓜灣一年一度嘅龍舟競渡，村民仲會先將御賜黃緞巨傘設喺巨舟上面，由紳耆率領一班村民向巨傘叩拜，再開始比賽。土瓜灣呢個名因村民種植土瓜，並供奉畀宋室享用得返嚟。
第二個講法，土瓜灣係因為佢嘅獨特地形，所以先咁叫。以前土瓜灣對開海面有一個島仔，島上有一座廟，裏面供奉有珠江水神之稱嘅龍母。間廟雖然好細，但就好出名。喺清朝嘉慶年間嘅《新安縣誌》已被列作古蹟；而個島同土瓜灣一名嘅緣由可追溯至1902年由香港政府製作嘅《九龍半島圖》，嗰時個島已被標作「土瓜環島」。
歷史
編輯清代，土瓜灣嘅發展一直都落後過周圍嘅地方。去到五十年代後，香港啟德機場起喺土瓜灣，搞到附近的建築必須遵循樓宇高度規定，令土瓜灣好多樓仲係矮腯腯。另外，搞咗幾次填海去擴充土地資源，最後開闢成工業區，令土瓜灣成為香港最早嘅工業區，唔同類型嘅工廠，包括發電廠、水泥廠、皮革廠、小五金廠等等都可以喺度搵到。[2]
工業史
編輯1930至40年代係香港輕工業發展嘅「黃金十年」。當年中國大陸係「七國咁亂」同打緊國共內戰，搞到唔少波士同有錢人都將佢哋嘅資金同公司都搬過嚟香港起工廠。偉恆昌嘅前身係偉倫紗廠，紗廠規模非常龐大。除咗偉倫紗廠，呢度都有第二間紗廠「東方紗廠」，1950年代起，原本被列為三級歷史建築，但而家只拆到得翻幅牆。[3]
响1960、70年代，土瓜灣周圍都係工廠同塵埃。乜類型工廠都有，大嘅就有英泥廠、製衣廠、船廠、味精廠；細嘅就有電池廠、塑膠花廠，各式各樣嘅都可以喺土瓜灣搵到。但跟住工廠北移，舊時重工業、輕工業嘅輝煌痕迹慢慢就冇咗。[4]
土瓜灣鄰海，船廠同造船業都會喺依度起。而家嘅庇利街，正正係船排隔離填海得嚟，嗰度曾經有間「庇利船廠」。雖然以前嘅土瓜灣得山同海，但土瓜灣近住繁華嘅九龍城；政府為咗開發多啲土地，喺較荒蕪嘅土瓜灣移山填海，連海心公園塊地都係填海而來。[3]
趣事
編輯土瓜灣嘅益豐大廈曾經係變形金剛系列電影嘅拍攝場地，惟唔同住客投訴冇通知下搞爆破場面，驚造成火災同製造巨響。[5]
徐克《順流逆流》同日劇《信用欺詐師JP︰香港浪漫篇》都係益豐大廈做場景。[6]
住宅
編輯大型私人屋苑
編輯- 迎豐
- 翔龍灣
- 港圖灣
- 半山一號
- 傲雲峰
- 駿豪居
- 安和園
- 偉恆昌新邨
- 定安大廈
- 欣榮花園
- 嘉景花園
公共設施
編輯- 土瓜灣公共圖書館
- 土瓜灣體育館
- 土瓜灣市政大廈暨政府合署
- 土瓜灣遊樂場
- 浙江街遊樂場（又叫「馬頭圍道／土瓜灣道花園」）
- 海心公園
社區組織
編輯參考
編輯- ↑ 〈原來土瓜灣真係有瓜—土瓜灣的名稱由來〉。原著喺2021年1月11號歸檔。
- ↑ 〈香港土瓜灣，繁華背後的故事〉。《草根影響力新視野》。
{{cite web}}: CS1 maint: url-status (link) - ↑ 3.0 3.1 〈香港到處遊﹕漫步土瓜灣 回顧工業史〉。
{{cite web}}: CS1 maint: url-status (link) - ↑ 〈40年無名小廠 見證工業區變遷〉。
{{cite web}}: CS1 maint: url-status (link) - ↑ 〈變形金剛炸爆土瓜灣 嚇壞街坊〉。《東方日報》。
{{cite news}}: CS1 maint: url-status (link) - ↑ 〈漫步土瓜灣 尋訪電影場景〉。《睛報》。
{{cite news}}: CS1 maint: url-status (link)