海怡路

海怡路（South Horizon Drive）係香港一條道路，喺香港島南區鴨脷洲西部，係一條連接鴨脷洲橋道又環繞海怡半島嘅U形路，同時亦包圍住海怡廣場。

海怡路北段

海怡路街牌唔同正常新款街牌

海怡半島第一、二、三、四期住宅都圍繞住呢條路，另外，所有喺海怡半島嘅巴士站同的士站都設喺呢條路，而家正計劃嘅港鐵南港島綫東段嘅海怡半島站亦計劃設起喺海怡路。

史

海怡路嘅前身係香港電燈基地嘅一部分，自從1992年間電廠改建成海怡半島之後就一直沿用至今。通車時係雙程行車，1993年開始改做順時針單向行車。

名

海怡路屬於海怡半島嘅其中一條私家路（另一條係怡南路），亦係港島區少數用「路」同「Drive」做尾嘅路名。

另一方面，雖然響官方紀錄上面海怡路個英文名叫「South Horizon Drive」，但由於海怡半島英文名係「South Horizons」，所以海怡路個英文名有時會被寫做「South Horizons Drive」。