鴨脷洲(英文:Ap Lei Chau 或者 Aberdeen Island)係香港嘅一個,屬於南區,喺香港島嘅西南面,香港仔同埋香港仔海峽附近,有1.30 平方公里咁大。

鴨脷洲玉桂山

歷史 編輯

明朝郭棐嗰本《粵大記》嘅地圖已經有畫鴨脷洲(地圖上面亦有香港村)。鴨脷洲畀船家一個好嘅避風港,喺鴉片戰爭之前有條漁村1842年,呢個島跟南京條約割咗畀英國,之後就無乜人理。

1968年,香港政府喺鴨脷洲起咗座發電廠,供電畀香港島。1980年鴨脷洲大橋落成,連埋鴨脷洲同香港島。鴨脷洲就開始高速發展。又起咗公共屋邨嚟安置啲因香港仔避風塘大火而無家可歸嘅漁民。

1989年,發電廠搬咗去南丫島,嗰笪地加埋附近嘅填地,就起咗海怡半島

地理、人口 編輯

鴨脷洲形似。最高嘅山係玉桂山(Mount Johnston),山北人多過山南。有四座主要屋苑:利東邨鴨脷洲大街鴨脷洲邨同埋海怡半島,每一條邨都有高樓大廈。島南有條工業邨

鴨脷洲住咗86,782人[1]人口密度係每平方公里 66,755 人,係全世界最密質質嘅島[2]。「鴨脷洲」亦係香港一款岩層嘅名,呢款岩層佔咗香港島南部大部分地方[3]

註腳 編輯

  1. 區議會選舉2007-南區 互聯網檔案館歸檔,歸檔日期2008年5月1號,.,D02至D07選區人口合計
  2. Island Superlatives: "Most densely populated island"[1]
  3. Ap Lei Chau Formation.[2] 互聯網檔案館歸檔,歸檔日期2007年9月28號,.

出面網頁 編輯