清談節目
清談節目（粵拼：cing1 taam4 zit3 muk6；英文：Talk Show，普通話名「脫口秀」係英文嘅音譯），亦叫做談話節目，係指一種觀眾聚集埋一齊討論主持人提出嘅話題嘅廣播或電視節目。一般清談節目都有一列嘉賓席，通常由有學問嘅或者對嗰檔節目嘅特定問題有特殊經驗嘅人組成。
從各大都市嘅地方電台到國家聯合廣播清談節目例如《Rush limbaugh show》，各種政治清談節目喺美國成日有。
歷史
編輯電視播放清談節目，源於電視時代早期。清談節目可以根據唔同播出時間分做兩大部分，日間清談節目同夜間清談節目，呢兩種脫口秀聚焦嘅主題都唔同。 深夜脫口秀節目包括《今夜秀》（台灣舊譯《午夜漫談》）同《大衛深夜秀》等已經播咗幾10年，以名人嘉賓同幽默小品做佢主要特徵。電視新聞先驅愛德華·摩洛喺過1950年代尾主持咗《小世界》（Small World），從嗰時開始政治脫口秀主導咗星期日早晨嘅電視節目。
每日一齊播出嘅脫口秀包括從家庭導向嘅《奧普拉·温芙瑞秀》（Oprah Winfrey）以至所謂嘅「垃圾電視」，如《傑瑞·斯普英哥秀》等好多節目。
喺華人世界比較令人熟悉嘅有香港無綫電視嘅《志雲飯局》、香港鳳凰衛視嘅《魯豫有約》、《鏘鏘三人行》、香港亞洲電視嘅《龍門陣》、《今夜不設防》、《亞視百人》、臺灣中天綜合台嘅《康熙來了》等。
隨住互聯網同自媒體嘅發展，基於互聯網嘅脫口秀節目主要有高曉松嘅《曉說》、羅振宇嘅《羅輯思維》。
電視網熱衷於脫口秀，係因為佢總體嚟講製作費用好平。然而，佢成唔成功，好大程度上取決喺主持人嘅個性；都咁啱係呢一點，甚至令主持人成為價值不菲嘅商品。
影響
編輯美國皮尤研究中心嘅一份調查顯示，18至29歲嘅美國人入面，有近一半從呢類脫口秀入面攞到同選舉有關嘅信息，成年人入面過四分之一喺投票入面嘅態度受脫口秀影響。
喺美國，如果你想喺政治上攞到成功，就必須要有撐你嘅媒體，如果你唔可以控制佢，你就必須討好佢。對於政客嚟講，呢次自我形象嘅推廣。美國人好着重佢哋嘅領袖係唔係幽默，因為呢個係美國文化入面唔可以缺嘅一部分。但係政客平時都需要保持嚴肅同專業，脫口秀畀政客提供咗一個舞台嚟展示佢哋嘅幽默。
延伸閱讀
編輯- Niven, David; Lichter, S. R.; Amundson, Daniel (July 2003). "The Political Content of Late Night Comedy". The Harvard International Journal of Press/Politics. 8 (3): 118–133. doi:10.1177/1081180X03008003007.
{{cite journal}}: Cite has empty unknown parameter:|coauthors=(help)