清雙唇破音（英文voiceless bilabial plosive），又叫清雙唇塞音、清雙唇爆音等，喺好多話都聽到嘅啞音（輔音）。萬國音標用/p/來表示。清雙唇破音，按發聲特徵，係清音，係雙唇破音。響聲韻學上，佢係重唇音聲母，中古時唔送氣音叫幫母，送氣音叫滂母。
有啲話，只有濁雙唇破音（音標/b/），無清雙唇破音，例如阿剌伯話同佢周圍一帶咁。呢個現象，佔世界各話嘅十分一左右。
有啲話，清雙唇破音重會分送氣清雙唇破音同唔送氣清雙唇破音。例如廣東話，好多種印度話，都有呢種對立分別。如果無標明，一般都假設係唔送氣清雙唇破音。
