游水氼鏡

  呢篇文講游水用嘅氼鏡。想搵氼水用嘅氼鏡嘅話，請睇氼水氼鏡。

游水氼鏡（粵拼：jau4 seoi2 mei6 geng3）、游水眼鏡（jau4 seoi2 ngaan5 geng3*2）或者嗌泳鏡（wing6 geng3），係游水用嘅防水眼罩。佢喺用緊嗰陣笈住對眼，可以喺水度睇清啲嘢，重可以唔畀啲水入眼，所以就變咗而家好多鍾意游水嘅人成日用到嘅嘢。

游水氼鏡

史

最早嘅游水氼鏡

最早嘅游水氼鏡喺14世紀已經出現，嗰時嘅波斯採珠佬，係戴住對比較炩嘅龜甲片落去水度。而波利尼西亞嘅剝光豬潛水佬，就係用咗竹或木嚟整嘅氼鏡。而呢啲氼鏡都重未用過透鏡嘅。嗰陣時就係最早嘅游水氼鏡喇。而湯瑪仕•畢傑斯就係俾人話係第一位用咗游水氼鏡嚟游水嘅人，因為佢係第二位橫渡英倫海峽嘅游水佬。雖然嗰時，佢帶咗游水氼鏡嚟橫渡緊英倫海峽，但佢冇用到游水氼鏡嚟防水，因為佢係用咗蛙式嚟游嗮全程，而佢用游水氼鏡係用嚟唔畀啲鹹水泡或海浪嚟整盲對眼。

現代游水氼鏡

而現代嘅游水氼鏡，就係喺20世紀70年代由瑞士嘅望斯氽（Malmsten）公司整嘅。呢種氼鏡一出咗嚟，改變嗮點樣整游水氼鏡嘅方式。而望斯氽公司就解釋話：「呢啲游水氼鏡可能係模仿咗大部分嘅游水氼鏡嚟整嘅。」就係噉，現代嘅游水氼鏡就開始發展喇。而家市面上賣嘅游水氼鏡就係20世紀70年代出版嘅版本。

介紹

構造

家陣嘅游水氼鏡，就係用咗防衝擊嘅聚碳酸酯（有機玻璃），而頭帶、鼻橋同鏡框都係用咗又純又精細嘅矽酮材料（砂膠）嚟整嘅，呢啲嘢對人體都係冇害，手感都好軟下，戴嗰陣重有舒適感添。塊鏡片重有丙酸纖維素響度，佢係同防霧嘅料喺埋一齊，搞出咗浸漬鏡片出嚟，超防霧，而卻重捹甩咗之前傳統嘅防霧加工工藝。

性能

呢啲游水氼鏡既可以方便用嚟游水之外，唔理你有冇近視、遠視、散光嗰啲視力唔係幾好嘅人，重可以買啲有度數嘅鏡片。

品種

而家市場度賣嘅游水氼鏡，主要係有比賽氼鏡同休閒氼鏡呢兩種。而其他品種嘅游水氼鏡，就有近視氼鏡、遠視氼鏡同散光氼鏡呢啲。

同氼水氼鏡嘅區分

游水氼鏡唔係潛水氼鏡，兩個唔可以撈埋嚟用。因為呢兩種氼鏡嘅原理同結構、重有使用範圍同方法都唔一樣嘅。以下呢個表係分開咗游水氼鏡同氼水氼鏡嘅嘢：

PK項	游水氼鏡	氼水氼鏡
密封鼻孔 通氣裝置	×	✓
密封結構	簡單	複雜
使用範圍	水面	水底同水面
保護部位	眼	眼、鼻
保證 氣密性	唔使理	嚴格
同呼吸管、 氼水呼吸器 一齊嚟用	×	✓
啱唔啱用 喺海底度	×	✓

參攷

• 从专利申请看泳镜的发展进步 中國知網（想睇入面嘅完整檔，必須要喺鏈接入面開咗個戶口，重要畀咗錢先至可以睇得。）
• 泳镜 百度百科
• 泳镜 互動百科
• 游泳镜和潜水镜的区别 美睛網