中文姓氏係漢族同埋周邊民族嘅姓，包括一個漢字嘅單姓或者係兩個同多個漢字嘅複姓）。漢族傳統嘅姓名系統中包括姓、氏、名、字、號等。
基本上，雙姓係兩姓合為一姓（唔同於複姓），好似張簡、范姜咁樣，類似情況包括冠夫姓（譬如陳馮富珍、葉劉淑儀、林鄭月娥、李徐子淇）。不過依家社會講求男女平等，其實呢種習俗已經好少見。
