潛水衫

  提示：呢篇文講嘅唔係連體游水衫。

潛水衫（粵拼：cim4 seoi2 saam1），重可以嗌氼水衫（mei6 seoi2 saam1），佢係一種用嚟畀啲人落去比較深嘅水底度做嘢嘅一種衫，呢種衫係用一種布料將成身撳冚嗮，呢種衫係分開咗乾式同濕式兩種。

史

喺46億年前嘅地球，由於人類嘅誕生，重有人類一直喺度唔停噉進化，所以佢哋可以離開個海度，就到咗陸地嗰邊生存，而家已經唔可以返佢啲海度喇，而且如估自己未親自體驗過海底嘅奧秘，係睇唔出點解海底會咁靚，佢哋為咗去比較大嘅海洋世界度睇下，喺幾千年前到而家，喺大海度都出咗好多海洋嘅冒險古仔。由於時代唔停喺度進步、尤其係發明同更新咗新嘅器材，啲人類又可以返到海洋度搵生存嘅空間。

古代

傳說喺幾十萬年前嘅人開始喺水度唔呼吸嚟搞活動。根據調查出嚟嘅資料話，公元前9世紀，就有水兵喺水度搞攻擊，重有係話古代為咗避開啲兵仔，喺水度用條咪管嚟整出去水面度呼吸。喺嗰陣時，潛水係一項好牙煙嘅職業，唔係所有人都那啱𠼻嘅，佢要有健康嘅身體、足夠嘅信心、豐富嘅常識、熟練嘅技術同埋精良嘅器材先至得。

16世紀

到咗公元1535年，有位嗌谷力莫·狄羅里拿嘅科學家發明咗潛水鐘，而嗰陣嘅潛水鐘就很簡單，佢係用隻玻璃杯倒轉嚟撳落去啲水度，就睇到杯頂差唔多水平面度有啲升咗起身嘅杯麵，而杯入面重有啲空間響度，而呢啲空間就係空氣。而呢種潛水鐘可以畀啲潛水佬停喺啲水度成幾個鐘都得。佢係用咗個又大又實又冇底嘅桶嚟整，而啲重量可以直接沉落去水底都得。佢係喺部船用條鏈吊住個桶，之後潛水人員行入去跟住個鐘向水底度潛落去。

17世紀

雖然喺1617年嗰陣，基斯拿設計咗件喺水度用嘅服裝同空氣袋，但係冇大範圍噉用佢。到咗1650年，荷蘭有位嗌雲·古力嘅科學家發明咗第一隻潛水排氣泵。喺1679年，有位意大利佬波里利就整咗世界上第一套潛水衫出嚟，就係將原嚟凈係睇到兩隻眼重裝住條通氣管嘅頭盔式潛水進化咗。而佢整嘅潛水衫係一件同家陣嘅潛水衫差唔多嘅密封裝備，而且潛水衫入面，喺全靠條排氣泵嚟保持空氣流通，潛水佬喺著咗呢件嘢之後落去水度，就可以降低水底嘅壓力。嗰陣開始，如估冇着潛水衫嘅潛水佬係唔可以落去水底度。到咗1691年，美國有位嗌愛德民·哈利嘅人申請咗個既可以接條管，又可裝啲空氣落去水底度嘅潛水鐘嘅專利。

18世紀

莊·李夫碧治喺1715年整嘅世界第一件潛水衫。

到咗1715年，有位嗌莊·李夫碧治嘅科學家整咗個潛水引擎，而嗰陣嘅「潛水引擎」睇落去好似個木桶噉，入面裝住已經壓過嘅空氣潛水佬，穿咗件用動物皮整嘅防水衫，而呢種防水衫係撳嗮成個身同手腳。而呢種潛水衫，喺手度有2個防滲水同皮革整嘅袖口，可以畀對手伸出嚟做嘢。不過呢啲人工作業嘅潛水衫，係必須要靠部船嚟吊住落去先至得，而呢啲皮整嘅潛水衫凈係可以喺水深3米半範圍入面用咋。喺1797年，克林基達設計咗用錫制圓筒帽嚟扱住個頭同用皮革整嘅潛水衫，重順利成功潛水添。

19世紀

史碧發明嘅潛水衫，喺1873年嘅創新設計。

到咗1819年，有位嗌史碧嘅英國佬發明咗件水面氣泵式潛水衫，而呢種潛水衫發明得好成功。佢嘅原理係用咗水面嘅空氣筒同潛水衫連埋一齊，重加埋鋼整嘅頭盔喺度。而呢種潛水衫，係可以潛到75米深嘅水底。而潛水衫喺1823年之後就開始發展喇，佢係由莊嘅（查爾斯同戴尼斯）兩兄弟發明咗火燭衫嚟改嘅，因為嗰陣嘅莊氏兩兄弟喺1828年，就轉咗去搞打撈水底嗰行，就將件火燭衫改裝，改成件潛水衫出嚟，而嗰陣嘅潛水衫都好重下，入面有防寒衫，重有個放喺潛水佬膊頭度嘅頭盔，不過嗰陣嘅潛水衫係重未同衫一齊黐埋，空氣可從件衫底嚟排出去，如估潛水佬企直嚟做嘢嗰陣唔小心跌嚫，頭盔就會跌落都水入面，而呢樣嘢係最早嘅職業潛水裝備，而呢種潛水裝備喺1840年由史碧改咗下，變咗而家嘅職業潛水衫嘅樣出嚟。

到咗1857年，法國佬魯基萊路發明咗用橡皮嚟整嘅潛水衫，而呢種潛水衫之後重改咗好多次，到而家都重喺度用緊。喺1865年，魯基萊路嘅仔Navy Lt.就將之前史碧發明嘅水面氣泵式潛水衫同頭盔和魯基萊路嘅橡皮潛水衫一齊合埋嚟整，就整咗件自由式潛水衫。而呢種潛水衫有個可以根據水嘅深度嚟變個氣壓嘅自動調壓箱出嚟，而潛水佬喺水面度冇乜聯繫嗰陣，可以喺水底度點逳都得。同時，用咗呢種自由式潛水衫就唔使再點向潛水佬畀啲空氣過去喇。

20世紀

潛水衫嘅發展都咗20世紀開始無耐都重未停過，喺1914年，意大利嘅科學家——羅拔·H·戴維斯就將之前喺19世紀中葉發明嘅閉路型呼吸裝置改咗下，呢種嘢可以喺水底度用嘅呼吸裝置。之後重發明咗飛機同潛水艇救生用嘅呼吸裝置。後嚟呢樣嘢改咗裝幾次。喺1924年，美國海軍就整咗個氦氧混合氣體送氣法出嚟，而呢種潛水衫設備，可以潛水去到150米深嘅水底嗰邊。到咗1943年，有位嗌古斯多嘅法國海軍少校就整咗個有150——200kPa，羋喺背脊度嘅壓縮氧氣樽出嚟。就喺噉，可以畀潛水佬好遠噉離開部船就潛到水深40米嗰邊，潛水佬就成日唔使俾部船猛咁送啲氣過嚟，結果就開始發展潛水業重一直行到而家。喺1951年，有位嗌蘇賓迪拿嘅物理學家發明咗現代潛水服。喺20世紀中葉之後，潛水衫就從之前比較渣嘅泡沫氯丁橡膠變咗好似尼龍、氨綸或其他嚴格嘅材料嚟整嘅潛水衫，佢係用咗膠布黐住嚟整，而呢啲嘢係用嚟防水、減少沖洗、換衫同身體之間嘅隔水功能。而呢種改裝過嘅潛水衫，就係將條頸、手同腳都撳實嗮。

潛水衫嘅分類

乾式潛水衫

潛水衫喺水入面有控制水溫、保護同提供浮力呢三樣嘢，佢就分開咗呢5樣。

乾式潛水衫

内文：乾式潛水衫

如估着住乾式潛水衫時，身體可以同水隔開嗮，如估按水溫嚟睇嘅重可以喺入面著衫嚟保溫都得。但係一定要接受咗培訓後先至可以用得，而呢種潛水衫係用喺天氣比較冰凍嘅地區嚟潛水用。而呢種潛水衫係成日都用到佢嘅。

濕式潛水衫

濕式潛水衫

内文：濕式潛水衫

如估着住濕式潛水衫時，身體唔同水隔開咗，而呢種潛水衫係必須要啱着，重要黐住啲皮先至得，因為呢啲潛水衫入咗少少水之後，皮膚之間就冇乜水點流下嚟保溫。

半乾式潛水衫

半乾式潛水衫係一種有效噉撳實嗮啲手、頸同腳關節嘅一種潛水衫，而呢種衫成日用喺10——20℃嘅水溫入面。而呢啲撳實嘅水量係有限制嘅，如估著咗件半乾式潛水衫，由於有啲水入咗嚟，而且唔會點走嗮啲水，所以都會覺得幾暖下。同濕式潛水衫唔同嘅喺，呢啲陷入咗嘅水層，都唔會直接加到件衫入面。凈低嘅水循環就會借件衫嘅熱力散走嗮。

熱式潛水衫

熱式潛水衫雖然話睇落去好似個潛水衫噉，但同一般嘅潛水衫有唔同，因為呢件嘢喺背隻度多咗兩嚿鋰電池響度，而呢啲鋰電池係用嚟生產熱量嘅。即使係凍冰冰嘅江河湖海嘅水度，都會覺得好暖下。因為佢有高（60℃——64℃）同低（49℃——54℃）嘅纖維薄層嚟平均分佈熱量。

材料構造

而家啲潛水衫係用咗以下呢尐料嚟整嘅：

1. 用橡胶嚟做主體紡織織品再加部分金屬料。呢啲潛水衫係成日用喺商務同運動休閒入面。

2. 有堅硬嘅尼龍（防刮）、鈦層（防寒）、4.5mm嘅氯丁烯厚橡膠（考慮柔韌性）、鈦層（保溫）、長毛絨（加強保暖同保溫作用）呢5樣特殊料

睇埋

• 乾式潛水衫
• 濕式潛水衫
• 半乾式潛水衫
• 水母衫

參攷

• 潛水歷史的過去現在未來 委員會文章：水中運動協會
• 潜水衣的发展历史.doc 呱仕網 （由於呢頁嘅嘢俾人整咗唔顯示出嚟，所以必須要註冊重下載埋篇嘢先至可以睇到。）
• 谁知道潜水服发展史？ 百度知道
• 潜水衣的发展历史 道客巴巴
• 休闲潜水发展史 淘教中國網