物理學家係指受物理學訓練，研究物質組成同運動規律嘅科學家。研究範疇細到構成一般物質嘅微細粒子，大到成個宇宙，唔同範圍都會有相對嘅專家。物理學家主要有兩種，分別係理論物理學家同實驗物理學家。出名嘅物理學家有牛頓、薛定諤、狄拉克、愛因斯坦等等。
喺當今世界，物理學家嘅最高榮譽係諾貝爾物理學獎。
要做到一個物理學家，喺大學要識嘅嘢就包括古典力學、電磁學、光學、熱力學、同統計力學等等。佢地都需要學關於數學（由其係微積分同線性代數）同電腦科學嘅知識。
如果佢哋要繼續做研究，就要讀得再仔細嘅。例如佢地要讀嘅凝聚態物理學、或者係天體物理學。
