澳門旅遊學院粵拼ou3 mun2 leui5 yau4 hok6 yun2葡文Instituto de Formação Turística de Macau英文Macao Institute for Tourism Studies),又叫IFTM,係培訓澳門亞太地區旅遊及服務業專才嘅公立高等教育學府,喺1995年9月15號由澳門理工學院旅遊高等學校同旅業及酒店業學校合併而成。2008年,獲澳門特區政府授予旅遊功績勳章

澳門旅遊學院
葡文Instituto de Formação Turística de Macau
英文Macao Institute for Tourism Studies
Institute for Tourism Studies Macau logo (no text).svg
校訓旅遊學院、澳人共建、優質教育、世旅認證
IFT - quality generated in Macao, worldwide certified
開辦1995年
類型公立高等學府
院長黃竹君博士
教師136[1]
員工236[1]
本科生1576[1]
網站iftm.edu.mo
Institute for Tourism Studies Macau logo.svg
澳門 澳門政府機構
File:Institute for Tourism Studies Macau logo (no text).svg
澳門旅遊學院標誌
院長 黃竹君
副院長 甄美娟、呂劍英
部門資訊
部門性質 享有學術、教學、行政及財政自治嘅公法人
成立年份 1995年
所屬部門 社會文化司
總部 澳門望廈山(望廈炮台斜坡)
聯絡資訊
網站 www.iftm.edu.mo
望廈校區入口

同大部分大專院校唔一樣,旅遊學院規定所有大學一年級學生校服上堂。

校舍 編輯

依家澳門旅遊學院分咗望廈氹仔校區。

校本部係望廈山,有四個建築物——啟思樓、望廈賓館、協力樓同教學餐廳,而建築物之間係相連嘅。

望廈校區 編輯

 
教學餐廳
  • 啟思樓(葡萄牙文:Edifício Inspiração,英文:Inspiration Building,建築物代號:I)樓高三層,有課室、禮堂、室內多功能運動場、壁球場、空中花園等設施。另外,有一個地庫停車場。
  • 協力樓(葡萄牙文:Edifício Equipa,英女:Team Building,建築物代號:T)係旅遊學院嘅行政大樓;大樓設有教學課室、模擬酒店前堂、多個模擬課室、劇場、自修室、多個多媒體學習室等設施。
  • 教學餐廳(英文:Educational Restaurant,無建築物代號),係旅遊學院嘅教授烹飪教學大樓,設有停車場畀餐廳顧客使用。另外,設有烹飪教室、餅房、圖書館、員工同學生餐廳等設施。
  • 望廈賓館(葡萄牙文:Pousada de Mong-Há,建築物代號:P)係1979年由澳葡政府將兵營接管後改建而成。呢個賓館畀學生用嚟實習。另外,亦設有教職員辦公室、餐廳、會議室、模擬管家房、健身室等設施。

氹仔校區 編輯

 
展望樓
  • 展望樓(Forward building),係由澳門大學圖書館改建而成嘅綜合教學大樓,原建築由葡國著名建築師Mario Duarte Duque設計。大樓樓高五層,面積有15,000平方米,設有課室圖書館會議場地培訓中心停車場健身室安德魯餅店。該樓代號為F。同主校區嘅啟思樓(Inspiration building)同協力樓(Team building)嘅首字母組合一齊,就係旅遊學院嘅縮寫(IFT)。
  • 銀禧樓(英文:Jubilee Bulding),係一座學院最新嘅大樓。喺2020年25周年之際,獲澳門特區政府分配澳門大學舊校址一地塊作未來發展空間嘅儲備土地,進一步提升學院嘅硬件設施。學院計劃興建「國際旅遊教育綜合體」,呢座建築有望成為一座具標誌性嘅校舍,增添學院現時所缺乏或者不足夠嘅設施,包括模擬教學場所、研習室、文化及藝術展覽設施、學生活動同休憩空間,以及綜合行政大樓等
  • 東亞樓(英文:East Asia Hall),係一座21層高嘅學生宿舍,為非本地學生提供住宿,大部分房間均係雙人臥室,同時提供有限嘅單人臥室。樓層分為男生樓層同女生樓層(唔提供男女混合樓層同房間)。8樓係員工停車場

職責 編輯

  • 鑑於喺旅遊業同酒店業範圍內配合需求嘅各種職業上嘅要求,促進開展喺文化、科技同職業上嘅高級、中級培訓以及給予專業資格嘅培訓;
  • 喺旅遊業同酒店業培訓方面,促使培訓質素嘅提高,指導同統籌一個喺程序方面嘅全面性同規範性結構;
  • 鑑於旅遊業同酒店業職業培訓嘅實習階段,提供優良之理論/實踐培訓;
  • 鼓勵以及開展同職業培訓相關嘅技術教學研究;
  • 喺旅遊現象、其成因同社會經濟影響嘅研究方面提供合作;
  • 根據勞動力市場嘅客觀同系統嘅指標,開辦適當嘅培訓課程;
  • 促進同支持旅遊以及酒店方面職業嘅社會專業聲望;
  • 合作推廣澳門特別行政區旅遊業嘅技術專業質素形象。

組織法例 編輯

  • 第45/95/M號法令(1995年8月28號《澳門政府公報》)設立旅遊培訓學院-若干廢止。
  • 第42/96/M號法令(1996年7月29號《澳門政府公報》)修改一九九五年八月二十八日第45/95/M號法令。
  • 第47/97/M號法令(1997年11月17號《澳門政府公報》)修改旅遊培訓學院嘅官方中文名稱。
  • 第477/99/M號訓令(1999年12月6號《澳門政府公報》)核准《旅遊學院教學人員同酒店業專業培訓人員通則》。
  • 第47/2010號行政命令(2010年6月14號《澳門特別行政區公報》)旅遊學院嘅人員編制。
  • 第27/2019號行政法規(2019年8月7號《澳門特別行政區公報》)澳門旅遊學院章程。

組織架構 編輯

廳級 處級 附屬委員會/未界定層級之單位
行政管理委員會
技術暨學術委員會
培訓活動協調委員會
行政暨財政輔助部
技術暨學術輔助部
旅遊高等學校 教學委員會
世界旅遊教育及培訓中心
旅業及酒店業學校 教學委員會
望廈迎賓館

睇埋 編輯

參考 編輯

  1. 1.0 1.1 1.2 (PDF). 原先內容歸檔 (PDF)喺2019-06-10. 喺2017-10-17搵到.

出面網頁 編輯